គ្រូពេទ្យនិយាយថា អ្នកដំណើរ ៨នាក់ បានរងរបួសស្រាល ក្នុងហេតុការណ៍វាយប្រហារដោយរថយន្តនៅអ៊ីស្រាអែល ។

នគរបាលអ៊ីស្រាអែល និយាយថា ក្រោយដេញបុកនៅស្ថានីយរថយន្តក្រុងនៅទីក្រុង Kfar Yona ជនសង្ស័យ បានបើករថយន្តរត់គេចចេញពីកន្លែងកើតហេតុ ។ ក្រោយមករថយន្តត្រូវបានប្លុងចោល ហើយបច្ចុប្បន្នក្រុមនគរបាល កំពុងស្វែងរកគ្រឿងផ្ទុះ ក៏ដូចជាអ្នកបើកបរសង្ស័យ ។

នគរបាលនិយាយនៅក្នុងសេចក្តីថ្លែងការណ៍ថា ពួកគេចាត់ទុកឧបទ្ទេវហេតុនេះ គឺជាការវាយប្រហារភេរវកម្មសង្ស័យ ។

ទីតាំងជួបគ្រោះថ្នាក់ ត្រូវបានបិទ ស្របដែលក្រុមអ្នកស៊ើបអង្កេតធ្វើកោសល្យវិច្ច័យបានចុះទៅដល់កន្លែងកើតហេតុ ។

មាននូវជម្លោះហិង្សានៅអ៊ីស្រាអែល ហើយនិងតំបន់កាន់កាប់វ៉េសប៊ែង ចាប់តាំងពីចាប់ផ្តើមសង្រ្គាមប្រឆាំងក្រុមហាម៉ាស នៅតំបន់ហ្កាហ្សា បង្កឡើងដោយសារការវាយប្រហាររបស់ក្រុមជីវពលមួយនេះលើអ៊ីស្រាអែលកាលពីថ្ងៃទី ៧ ខែតុលា ឆ្នាំ ២០២៣ ៕