រដ្ឋមន្ត្រីក្រសួងពាណិជ្ជកម្មអាមេរិកលោក Howard Lutnick បាននិយាយថា ក្រុមហ៊ុនTikTok នឹងត្រូវបញ្ឈប់ប្រតិបត្តិការនៅក្នុងសហរដ្ឋអាមេរិក ប្រសិនបើប្រទេសចិនមិនអនុម័តកិច្ចព្រមព្រៀងសម្រាប់ការលក់កម្មវិធីវីដេអូខ្លីដ៏ពេញនិយមនេះ។ លោក Lutnick បាននិយាយថា សហរដ្ឋអាមេរិកត្រូវតែគ្រប់គ្រងវិធីដោះស្រាយបញ្ហាដែលផ្តល់អំណាចដល់វេទិកាដែលត្រូវបានប្រើប្រាស់ដោយពលរដ្ឋអាមេរិកប្រមាណ១៧០លាននាក់។

កាលពីខែមុន លោកប្រធានាធិបតី Donald Trump បានបន្ថែមពេលវេលាកំណត់សម្រាប់ក្រុមហ៊ុនByteDance ជាក្រុមហ៊ុនមេរបស់ក្រុមហ៊ុន TikTok មានមូលដ្ឋាននៅប្រទេសចិន ដើម្បីលក់កម្មវិធីទៅឲ្យសហរដ្ឋអាមេរិកត្រឹមរយៈពេល៩០ថ្ងៃ រហូតដល់ថ្ងៃទី១៧ ខែកញ្ញា។

លោក Lutnick និយាយថា «ប្រទេសចិនអាចមានចំណែកតូច ឬក្រុមហ៊ុន ByteDance ដែលជាម្ចាស់បច្ចុប្បន្នអាចរក្សាទុកចំណែកតូច។ ប៉ុន្តែជាមូលដ្ឋាន ពលរដ្ឋអាមេរិកនឹងមានការគ្រប់គ្រង ពលរដ្ឋអាមេរិក នឹងជាម្ចាស់បច្ចេកវិទ្យា ហើយពលរដ្ឋអាមេរិកនឹងគ្រប់គ្រងវិធីដោះស្រាយបញ្ហា»។

លោក Lutnick បាននិយាយបន្ថែមថា «ប្រសិនបើកិច្ចព្រមព្រៀងនោះត្រូវបានអនុម័តដោយប្រទេសចិន នោះកិច្ចព្រមព្រៀងនឹងកើតឡើង»។ «ប្រសិនបើមិនយល់ព្រមទេ នោះក្រុមហ៊ុនTikTok នឹងបញ្ឈប់ប្រតិបត្តិការហើយការសម្រេចទាំងនោះនឹងកើតឡើងឆាប់ៗនេះ»។ ក្រុមហ៊ុន TikTok ពុំបានឆ្លើយតបភ្លាមៗចំពោះសំណើសុំការអត្ថាធិប្បាយនោះទេ។