លោក Khalil al-Hayya ប្រធានតំបន់ហ្កាហ្សាដែលនិរទេសខ្លួន បាននិយាយកាលពីថ្ងៃអាទិត្យ ថា ការចរចាបទឈប់បាញ់ជាមួយអ៊ីស្រាអែល «គ្មានន័យអ្វីទេ ដែលស្ថិតនៅក្រោមការបន្តបិទផ្លូវ និងភាពស្រេកឃ្លាន»។ លោកបាននិយាយនៅក្នុងសុន្ទរកថាដែលត្រូវបានថតទុកថា «ការដឹកជញ្ជូនស្បៀងអាហារ និងថ្នាំពេទ្យបន្ទាន់ទៅដល់ប្រជាជនរបស់យើងបង្ហាញភាពធ្ងន់ធ្ងរ ជុំវិញថាតើការបន្តការចរចាមានតម្លៃឬអត់»។

អ៊ីស្រាអែល កាលពីថ្ងៃអាទិត្យបានប្រកាសផ្អាកប្រតិបត្តិការយោធារយៈពេល១០ម៉ោងក្នុងមួយថ្ងៃនៅក្នុងផ្នែកមួយចំនួនៅតំបន់ហ្កាហ្សា និងច្រករបៀងជំនួយថ្មី ខណៈប្រទេសហ្ស៊កដានី និងប្រទេសអារ៉ាប់រួមបានទម្លាក់គ្រឿងផ្គត់ផ្គង់តាមអាកាសចូលទៅក្នុងតំបន់ហ៊ុមព័ទ្ធជាកន្លែងរូបភាពរបស់ពលរដ្ឋប៉ាឡេស្ទីនដែលស្រេកឃ្លាន បានធ្វើឱ្យពិភពលោកភ្ញាក់ផ្អើល។

ប្រធានាធិបតីសហរដ្ឋអាមេរិក លោក Donald Trump ក្នុងដំណើរទស្សនកិច្ចទៅកាន់ដែនដីស្កុតឡែនបាននិយាយថា អ៊ីស្រាអែលនឹងត្រូវធ្វើការសម្រេចចិត្តលើចំណាត់បន្ទាប់របស់ខ្លួននៅក្នុងតំបន់ហ្កាហ្សា ហើយលោកមិនដឹងថានឹងមានអ្វីកើតឡើងនោះទេ បន្ទាប់ពីការដួលរលំបទឈប់បាញ់ និងការចរចារដោះលែងចំណាប់ខ្មាំងជាមួយក្រុមហាម៉ាស។