មន្ត្រីសង្គ្រោះបន្ទាន់ក្នុងតំបន់ បាននិយាយកាលពីថ្ងៃអាទិត្យថា យ៉ាងហោចណាស់សាកសពចំនួន ១៣នាក់ ត្រូវបានគេរកឃើញ ហើយរាប់សិបនាក់ទៀត នៅតែបាត់ខ្លួន បន្ទាប់ពីទូកឈើមួយគ្រឿង បានលិចនៅក្នុងរដ្ឋ Niger ភាគកណ្តាលប្រទេសនីហ្សេរីយ៉ា។  

លោក Abdullahi Baba Arah ប្រធានទីភ្នាក់ងារគ្រប់គ្រងគ្រោះអាសន្នរដ្ឋ Niger បានប្រាប់សារព័ត៌មានស៊ីនហួថា ទូកដែលផ្ទុកលើសទម្ងន់ បានដឹកអ្នកដំណើរ ភាគច្រើនជាពាណិជ្ជករ និងកសិផលពីសហគមន៍ Gunu ទៅកាន់ទីផ្សារប្រចាំសប្តាហ៍ នៅតំបន់ Kwata-Zumba នៃទីក្រុងShiroro នៅពេលដែលទូកនេះ បានក្រឡាប់លិច កាលពីថ្ងៃសៅរ៍។

លោក Arah បាននិយាយថា យ៉ាងហោចណាស់មនុស្ស ៣នាក់ រួមទាំងប្រតិបត្តិករទូក ត្រូវបានជួយ     សង្គ្រោះ ដោយបញ្ជាក់ថា ចំនួនពិតប្រាកដនៃអ្នកដំណើរនៅលើទូកនេះ នៅតែមិនច្បាស់លាស់ ដោយសារពុំទាន់មានការបង្ហាញណាមួយ ត្រូវបានធ្វើឡើងនោះទេ។

អ្នកជួយសង្គ្រោះ រួមទាំងអ្នកមុជទឹកក្នុងតំបន់ និងអ្នកស្ម័គ្រចិត្ត បានចូលរួមកិច្ចខិតខំប្រឹងប្រែងស្វែងរក និងជួយសង្គ្រោះ ដែលកំពុងបន្ត។

គ្រោះថ្នាក់តាមទូក គឺជារឿងធម្មតា នៅក្នុងប្រទេសនីហ្សេរីយ៉ា ដែលជារឿយៗ ដោយសារតែការផ្ទុកលើសចំណុះ ការអនុវត្តសុវត្ថិភាពមិនល្អ និងលក្ខខណ្ឌអាកាសធាតុមិនល្អ។