នាយករដ្ឋមន្ត្រីរុស្ស៊ីលោក Mikhail Misustin បានចុះហត្ថលេខាលើសេចក្តីសម្រេចមួយរបស់រដ្ឋាភិបាលជាផ្លូវការ ក្នុងការបិទប៉ុស្តិ៍ត្រួតពិនិត្យចំនួន ២០កន្លែង នៅតាមព្រំដែនជាមួយអ៊ុយក្រែន ចាប់ពីថ្ងៃទី ០១ ខែសីហា។

ឯកសារនេះ បានបញ្ជាក់ថា៖«ដើម្បីបិទចាប់ពីថ្ងៃទី ០១ ខែសីហា ឆ្នាំ ២០២៥ ប៉ុស្តិ៍ត្រួតពិនិត្យនៅតាមព្រំដែនរដ្ឋរុស្ស៊ី ដែលបានបង្កើតឡើង ក្រោមកិច្ចព្រមព្រៀងថ្ងៃទី ០៨ ខែកុម្ភៈ ឆ្នាំ ១៩៩៥ រវាងរដ្ឋាភិបាលរុស្ស៊ី និងអ៊ុយក្រែន ស្តីពីច្រកព្រំដែន ដូចដែលបានចុះក្នុងបញ្ជីបំពេញបន្ថែម»។

បញ្ជីនេះរួមមានផ្លូវចំនួន ១៣ខ្សែ និងផ្លូវរថភ្លើងចំនួន ៧ខ្សែង ដែលលែងមានទីតាំងនៅព្រំដែនជាមួយអ៊ុយក្រែន បន្ទាប់ពីសាធារណរដ្ឋប្រជាមានិត Lugansk និង Donetsk ក៏ដូចជាតំបន់ Kherson និង Zaporozhye បានក្លាយជាផ្នែកមួយនៃប្រទេសរុស្ស៊ី បន្ទាប់ពីការបោះឆ្នោតប្រជាមតិឆ្នាំ ២០២២។