យោងតាមការធ្វើបច្ចុប្បន្នភាពនៃចក្ខុវិស័យសេដ្ឋកិច្ចសកលបានឲ្យដឹងថា មូលនិធិរូបិយវត្ថុអន្តរជាតិ IMF កាលពីថ្ងៃអង្គារសប្ដាហ៍នេះ បានកែប្រែការព្យាករណ៍កំណើនសេដ្ឋកិច្ចសកលរបស់ខ្លួនសម្រាប់ឆ្នាំ ២០២៥ ឡើងដល់ ៣ ភាគរយ កើនឡើង០,២ ភាគរយខ្ពស់ជាងការព្យាកររបស់ខ្លួនកាលពីក្នុងខែមេសា ។

ទីផ្សារដែលកំពុងរីកចម្រើន និងសេដ្ឋកិច្ចកំពុងអភិវឌ្ឍន៍ឥឡូវនេះត្រូវគេរំពឹងថានឹងកើនឡើង៤,១ ភាគរយនៅឆ្នាំ២០២៥ កើនឡើង ០,៤ភាគរយខ្ពស់ជាងការព្យាករណ៍ខែមេសា នេះបើយោងតាមការធ្វើបច្ចុប្បន្នភាពចុងក្រោយរបស់ស្ថាប័នខាងលើ។  

ទន្ទឹមនឹងនេះដែរ ការព្យាករណ៍កំណើនសម្រាប់ប្រទេសសេដ្ឋកិច្ចជឿនលឿនត្រូវបានកែសម្រួលឡើងដល់ ១,៥ ភាគរយ បើធៀបនឹងការប៉ាន់ប្រមាណកាលពីកន្លងទៅដែលមាន ១,៤ភាគរយ។

ជាពិសេស ការព្យាករណ៍កំណើនសម្រាប់សហរដ្ឋអាមេរិក តំបន់ចាយប្ររាក់អឺរ៉ូ ជប៉ុន អង់គ្លេស កាណាដា ចិន ឥណ្ឌា ប្រេស៊ីល ម៉ិកស៊ិក អារ៉ាប៊ីសាអ៊ូឌីត និងនីហ្សេរីយ៉ា ត្រូវបានកែសម្រួលឡើង។

ការកែសម្រួលដ៏ទូលំទូលាយសម្រាប់ឆ្នាំនេះឆ្លុះបញ្ចាំងពីកាបែងចែកច្បាស់លាស់ជាងការរំពឹងទុកនៃការដំឡើងពន្ធខ្ពស់ អត្រាពន្ធជាមធ្យមរបស់សហរដ្ឋអាមេរិកមានកម្រិតទាបជាងការប្រកាសកាលពីខែមេសា ការធ្វើឱ្យប្រសើរឡើងនៃលក្ខខណ្ឌហិរញ្ញវត្ថុ រួមទាំងដោយសារតែប្រាក់ដុល្លារអាមេរិកចុះខ្សោយ និងការពង្រីកសារពើពន្ធនៅក្នុងយុត្តាធិការសំខាន់ៗមួយចំនួននេះបើយោងតាមការធ្វើបច្ចុប្បន្នភាពខាងលើ។

ប្រធានសេដ្ឋវិទូរបស់ IMF លោក Pierre-Olivier Gourinchas បាននិយាយថា ភាពធន់នេះគឺត្រូវបានស្វាគមន៍ ប៉ុន្តែវាក៏មានភាពយឺតយ៉ាវដែរ។ ខណៈភាពតក់ស្លុតនៃពាណិជ្ជកម្មអាចប្រែទៅជាមិនសូវធ្ងន់ធ្ងរជាងការភ័យខ្លាចដំបូង ។ ភាពយឺតយ៉ាវនៅតែមានទំហំធំ ហើយភស្តុតាងកំពុងកើនឡើងថាវាកំពុងធ្វើឱ្យប៉ះពាល់ដល់សេដ្ឋកិច្ចពិភពលោក៕