អ្នកស្ម័គ្រចិត្តមកពីសហគមន៍ជនជាតិភាគតិច Druze របស់អ៊ីស្រាអែល បានចាប់ផ្តើមគំនិតផ្តួចផ្តើមមនុស្សធម៌ដើម្បីប្រមូលជំនួយសម្រាប់ជនជាតិភាគតិច Druze ក្នុងទីក្រុង Sweida បន្ទាប់ពីអំពើហិង្សាកាលពីពេលថ្មីៗនេះនៅក្នុងទីក្រុង និងខេត្តនានានៅភាគខាងត្បូងប្រទេសស៊ីរី។

អ្នករៀបចំ បាននិយាយថា កិច្ចខិតខំប្រឹងប្រែងនេះមានគោលបំណងផ្តល់ស្បៀង សម្លៀកបំពាក់ និងការផ្គត់ផ្គង់ផ្នែកវេជ្ជសាស្រ្តដល់អ្នកដែលរងផលប៉ះពាល់នៅក្នុងប្រទេសស៊ីរី។

អ្នកស្ម័គ្រចិត្ត ក្នុងស្រុក Julis របស់អ៊ីស្រាអែល និយាយថា បន្ទាប់ពីឧបទ្ទវហេតុក្នុងប្រទេសស៊ីរី មេដឹកនាំសហគមន៍ Druze ក្នុងប្រទេសអ៊ីស្រាអែល បានស្នើសុំឱ្យយើងមានបន្ទប់វះកាត់សង្គ្រោះបន្ទាន់សម្រាប់ជនជាតិភាគតិច Druze ដើម្បីជួយបងប្អូនរបស់យើងនៅ តំបន់Jabal al-Druze ប្រទេសស៊ីរី។

ឃ្លាំងមួយ ត្រូវបានបង្កើតឡើងដើម្បីប្រមូលការចែកចាយជំនួយមនុស្សធម៌ដែលប្រមូលបានទៅកាន់ ជនជាតិភាគតិចDruze ក្នុងប្រទេសស៊ីរី។ មនុស្សរាប់រយនាក់ត្រូវបានសម្លាប់ជាច្រើនថ្ងៃក្នុងអំពើហិង្សានិកាយសាសនានៅទីក្រុង Sweida ជាកន្លែងដែលកងកម្លាំងរដ្ឋាភិបាលត្រូវបានបញ្ជូនទៅដើម្បីបង្ក្រាបការប៉ះទង្គិចគ្នារវាងក្រុមជនជាតិភាគតិច Druze និងក្រុមកុលសម្ព័ន្ធ Bedouin ។