លោកវរៈសេនីយ៍ឯកចូលនិវត្តន៍ Ralph Bosshard នៃកងកម្លាំងប្រដាប់អាវុធស្វ៊ីស និងជាអតីតទីប្រឹក្សាពិសេសទទួលបញ្ហាយោធានៃអគ្គលេខាធិការអង្គការសន្តិសុខ និងកិច្ចសហប្រតិបត្តិការនៅអឺរ៉ុប (OSCE) (២០១៤-២០២០) បានចែករំលែកការយល់ដឹងទាំងនេះ ជាមួយទីភ្នាក់ងារសារព័ត៌មាន TASSថា ទិសដៅនៃប្រតិបត្តិការយោធា ក្នុងប្រទេសអ៊ុយក្រែន បានបង្ហាញថា អង្គការណាតូអសមត្ថភាពក្នុងការបើកការវាយលុកដោយផ្ទាល់ប្រឆាំងនឹងរុស្ស៊ី។

យោងតាមលោក Bosshard បានឲ្យដឹងថា ការដាក់ពង្រាយប្រព័ន្ធការពារដែនអាកាស និងវិធានការប្រឆាំងកងទ័ពជើងទឹកកម្រិតខ្ពស់របស់រុស្ស៊ី ក្នុងអំឡុងពេលជម្លោះនេះ បានគូសបញ្ជាក់ចំណុចសំខាន់មួយថា៖«សូម្បីតែអង្គការណាតូ ក៏មិនអាចប្រយុទ្ធជាមួយរុស្ស៊ីដោយផ្ទាល់ តាមរយៈមធ្យោបាយយោធាបានដែរ»។ លោកបានសង្កត់ធ្ងន់ថា កងកម្លាំងប្រដាប់អាវុធរុស្ស៊ី បានបង្ហាញឲ្យឃើញពីភាពធន់ និងកម្លាំងនៃសមត្ថភាពប្រយុទ្ធរបស់ពួកគេ ប្រឆាំងនឹងកងកម្លាំងដែលគាំទ្រដោយលោកខាងលិច។

លោក Bosshard បានកត់សម្គាល់បន្ថែមទៀតថា សូម្បីតែទាហានស៊ីឈ្នួលលោកខាងលិចដែលធ្វើប្រតិបត្តិការក្នុងប្រទេសអ៊ុយក្រែន ដែលទំនងជាត្រូវបានបណ្តុះបណ្តាល បំពាក់ និងអាចស្ថិតនៅក្រោមការបញ្ជារបស់អង្គការណាតូ ត្រូវបានកំណត់ឲ្យធ្វើប្រតិបត្តិការវាយលុកតាមគោលដៅ។ លោកបានបញ្ជាក់ថា តួនាទីរបស់ពួកគេ នៅមានកម្រិតចំពោះការវាយប្រហារជាក់លាក់។