អ្នកស្រុក និងភ្ញៀវទេសចរ ក្នុងប្រទេសជប៉ុនត្រូវ បានណែនាំឱ្យរក្សាការប្រុងប្រយ័ត្ននៅថ្ងៃព្រហស្បតិ៍ សប្ដាហ៍នេះ បន្ទាប់ពីរលកយក្សស៊ូណាមិដែលបង្កឡើងដោយការរញ្ជួយដីកម្រិត ៨,៨រ៉ិចទ័ នៅឧបទ្វីប Kamchatka របស់ប្រទេសរុស្ស៊ី បានរាលដាលដល់ឆ្នេរសមុទ្រប៉ាស៊ីហ្វិកកាលពីថ្ងៃពុធសប្ដាហ៍នេះ។

ស្របពេលការព្រមានទាំងអស់ត្រូវបានបន្ទាបកម្រិតក្នុងការណែនាំកាលពីយប់ថ្ងៃពុធ ការព្រមាននានានៅតែអនុវត្តសម្រាប់តំបន់ជាច្រើន ដោយទីភ្នាក់ងារឧតុនិយមជប៉ុនបានវាយតម្លៃថាតើត្រូវដកចេញឬអត់។

នៅកន្លែងជាង ១០ រលកយក្សស៊ូណាមិមានកម្ពស់ ៧០ សង់ទីម៉ែត្រត្រូវបានគេសង្កេតឃើញនៅថ្ងៃព្រហស្បតិ៍នេះ។

តំបន់ Hokkaido ដែលគ្របដណ្តប់ផ្នែកខ្លះនៃកោះសំខាន់ ភាគខាងជើងរបស់ប្រទេសជប៉ុនបានផ្អាកសេវាកម្មពីរថភ្លើងដំបូងតាមផ្នែកខ្លះ ខណៈអ្នកស្រុកមួយចំនួនត្រូវបានបង្ខំឱ្យស្នាក់នៅមជ្ឈមណ្ឌលជម្លៀស។

បន្ទាប់ពីការរញ្ជួយដីបានវាយប្រហារកាលពីព្រឹកថ្ងៃពុធនៅប្រទេសរុស្ស៊ី ការព្រមានអំពីរលកយក្សស៊ូណាមិត្រូវបានចេញសម្រាប់តំបន់ឆ្នេរចាប់ពីកោះសំខាន់ភាគខាងជើងរបស់ប្រទេសជប៉ុននៃកោះ Hokkaido ទៅដល់ខេត្ត Wakayama នៅភាគខាងលិច។ ជាមួយគ្នានោះ សហរដ្ឋអាមេរិក ក៏បានប្រកាសអាសន្ននៃរលកយក្សស៊ូណាមិដែរ។

មនុស្សរហូតដល់ ២លាននាក់ត្រូវបានបញ្ជាឱ្យជម្លៀសចេញ ឬស្វែងរកទីតាំងសុវត្ថិភាពភ្លាមៗ ស្របពេលប្រទេសនេះប្រឈមសីតុណ្ហភាពរដូវក្តៅខ្ពស់៕