ការិយាល័យស្ថិតិជាតិ (ONS) បាននិយាយកាលពីថ្ងៃពុធថា ចំនួនប្រជាជនរបស់ប្រទេសអង់គ្លេស និងដែនដីវេលស៍ បានកើនឡើង១,២ភាគរយ ឬស្មើនឹង ៧០៦.៩០០នាក់ គិតត្រឹមខែមិថុនា ឆ្នាំ២០២៤ ជាការកើនឡើងច្រើនបំផុតទីពីរក្នុងរយៈពេលជាង៧៥ឆ្នាំកន្លងទៅនេះ ដែលភាគច្រើនត្រូវបានជំរុញដោយការធ្វើអន្តប្រវេរសន៍អន្តរជាតិ។

លោក Nigel Henretty មកពីការិយាល័យស្ថិតិជាតិ បាននិយាយថាចំនួនប្រជាជនអង់គ្លេស និងដែនដីវេលស៍ បានកើនឡើងជារៀងរាល់ឆ្នាំចាប់តាំងពីពាក់កណ្តាលឆ្នាំ១៩៨២។ «អត្រានៃការកើនឡើងចំនួនប្រជាជន បានកើនឡើងខ្ពស់នៅក្នុងប៉ុន្មានឆ្នាំចុងក្រោយនេះ ហើយការកើនឡើង ត្រូវបានគេមើលឃើញនៅពាក់កណ្តាលឆ្នាំ២០២៤។

លោកបាននិយាយថា «ការធ្វើអន្តោប្រវេសន៍អន្តរជាតិ នៅតែបន្តជាកត្តាជំរុញដ៏សំខាន់នៃកំណើននេះ ដោយបន្តនិន្នាការរយៈពេលវែង»។ ទីក្រុងឡុងដ៍្រ បានជួបប្រទះអត្រាកំណើនខ្ពស់បំផុត១១,១ភាគរយ។