ប្រទេសចិនបានចោទប្រកាន់សហរដ្ឋអាមេរិកថា បានឆ្លៀតយកពេលប្រព័ន្ធមានបញ្ហានៅក្នុងម៉ាស៊ីនមេអ៊ីម៉ែល (Email Server) របស់ក្រុមហ៊ុន Microsoft ដើម្បីលួចទិន្នន័យយោធា និងបើកការវាយប្រហារតាមប្រប័ន្ធអ៊ីនធឺណិតលើវិស័យការពារជាតិរបស់ខ្លួន។

នៅក្នុងសេចក្តីថ្លែងការណ៍មួយ កាលពីថ្ងៃសុក្រ (ទី១ ខែសីហា) ដោយមិនបានបញ្ចេញឈ្មោះក្រុមហ៊ុនឲ្យដឹង សមាគមសន្តិសុខតាមប្រព័ន្ធអ៊ីនធឺណិតរបស់ចិន បានប្រាប់ថា៖ «តួអង្គអាមេរិកត្រូវបានផ្សារភ្ជាប់ទៅនឹងការវាយប្រហារតាមប្រព័ន្ធអ៊ីនធឺណិតធំចំនួន ២ លើក្រុមហ៊ុនយោធាចិន។ ក្រុមទាំងនោះបានឆ្លៀតពេលប្រព័ន្ធមានបញ្ហានៅក្នុងម៉ាស៊ីនមេអ៊ីម៉ែលរបស់ក្រុមហ៊ុន Microsoft ដើម្បីគ្រប់គ្រងម៉ាស៊ីនរបស់ក្រុមហ៊ុនសំខាន់ នៅក្នុងវិស័យការពារជាតិអស់រយៈពេលជិត ១ឆ្នាំ»។

គួរបញ្ជាក់ថា សមាគមនេះ គឺជាអង្គភាពមិនសូវល្បីឈ្មោះដែលគាំទ្រដោយរដ្ឋបាល Cyberspace ដ៏មានឥទ្ធិពលរបស់ប្រទេសចិន។

ចំណែកក្រុមហ៊ុនឈ្មោះ Redmond នៅទីក្រុង Washington តែងតែបានទម្លាក់កំហុសដាក់ប្រទេសចិនម្តងហើយម្តងទៀតថា បានប្រតិបត្តិការវាយប្រហារតាមប្រព័ន្ធអ៊ីនធឺណិតធំៗ ដែលពាក់ព័ន្ធនឹងម៉ាស៊ីនមេរបស់ក្រុមហ៊ុន Microsoft។៕