ពលរដ្ឋប៉ាឡេស្ទីននៅតំបន់ហ្កាហ្សា ដែលកំពុងស្វែងរកស្បៀងដើម្បីទប់ទល់នឹងភាពអត់ឃ្លានបាននិយាយថាពួកគេកំពុងជួបហានិភ័យជីវិតប្រចាំថ្ងៃសម្រាប់ប្រព័ន្ធដែលធ្វើឱ្យវាពិបាកសម្រាប់គ្រួសារជាច្រើនក្នុងការទទួលបានជំនួយស្បៀងអាហារ។ ក្រុមគ្រួសារដែលខ្វះបុរសពេញវ័យរឹងមាំ តែងតែព្យាយាមដើម្បីទទួលបានស្បៀងដោយបង្ខំកុមារកំព្រាឬស្ត្រីមេម៉ាយឱ្យចូលទៅក្នុងបរិយាកាសដែលតែងតែមើលឃើញអ្នកស្វែងរកជំនួយត្រូវបានគេបាញ់ ដោយមនុស្សជាង១០០នាក់បានស្លាប់ក្នុងរយៈពេលប៉ុន្មានថ្ងៃកន្លងទៅនេះ។

ស្ត្រីពីរនាក់ ម្នាក់ជាស្ត្រីមេម៉ាយនិងម្នាក់ទៀតមានប្តីពិការ បាននិយាយថា ប្រព័ន្ធនេះមានន័យថា វាពិបាកសម្រាប់បុគ្គលទន់ខ្សោយក្នុងការដណ្តើមជំនួយស្បៀងអាហារ ដោយនិយាយថាពួកគេបានទៅប្រមូលយកស្បៀងជាច្រើនថ្ងៃប៉ុន្តែមិនទទួលបានអ្វីទាំងអស់។ ស្ត្រីទាំងនេះបង្ហូរទឹកភ្នែកនិងនិយាយ ជំនួយនេះត្រូវបានអ្នកមួយចំនួនព្យាយាមយកទៅលក់បន្តក្នុងតម្លៃថ្លៃ។

ពួកគេបានជំរុញឱ្យអាជ្ញាធរធ្វើឱ្យប្រសើរលើការចែកចាយជំនួយ ដោយទាមទារឱ្យត្រឡប់ទៅរកប្រព័ន្ធដែលជំនួយត្រូវបានបញ្ជូនទៅឃ្លាំង ហើយបន្ទាប់មកផ្ញើសារជាអក្សរជូនដំណឹងដល់ក្រុមគ្រួសារឱ្យមកទទួលចំណែករបស់ពួកគេ។ បុរសម្នាក់ បានដើរត្រឡប់មកពីកន្លែងចែកចាយជំនួយវិញដោយរងរបួសមានឈាមនៅលើផ្តៃមុខ។ បុរសនោះនិយាយថា លោកត្រូវបានគេបាញ់ក្នុងពេលព្យាយាមទៅដល់ជំនួយ ប៉ុន្តែនៅតែត្រឡប់មកវិញដោយដៃទទេ។