បាល់ទាត់៖ ក្រុមជើងឯកលីគ ៧សម័យភ្នំពេញក្រោន គ្រោងនឹងធ្វើការកែលម្អហេដ្ឋារចនាសម្ព័ន្ធជាច្រើនក្នុងរដូវកាលថ្មីនេះ ពិសេសគម្រោងផ្លាស់ប្ដូរស្មៅថ្មីនៅកីឡដ្ឋាន Smart RSN ដើម្បីឆ្លើយតបនឹងតម្រូវការចង់បានរបស់ក្រុមហ៊ុនលីគបាល់ទាត់កម្ពុជា។ នេះបើតាមការបញ្ជាក់របស់អ្នកចាត់ការទូទៅលោក កែវ សុខង៉ន។
អ្នកចាត់ការទូទៅក្រុមសិង្ហក្រហមនេះបានឲ្យដឹងថា រដូវកាលថ្មីនេះក្លិបមានគម្រោងកែលម្អហេដ្ឋារចនាសម្ព័ន្ធច្រើន ដូចជាផ្នែកខាងលើ មានបន្ទប់ទឹក និងទីធ្លារមួយចំនួនដែលនឹងត្រូវការកែលម្អក្នុងឆ្នាំនេះ។ រីឯស្មៅវិញក្លិបក៏មានគម្រោងផ្លាស់ប្ដូរផងដែរ តែទំនងធ្វើការផ្លាស់ប្ដូរនារដូវកាលក្រោយ។ គួរដឹងថា ភ្នំពេញក្រោនគឺជាក្លិបឈានមុខមួយដែលបានសាងសង់កីឡដ្ឋានផ្ទាល់ខ្លួន និងអាចផ្ទុកអ្នកទស្សនាបានជាច្រើនពាន់នាក់។ ជាមួយគម្រោងធ្វើបច្ចុប្បន្នភាពកីឡដ្ឋាននេះ គេរំពឹងថានឹងបង្កើនភាពទាក់ទាញបន្ថែមទៀត ពិសេសការប្រកួតរដូវកាលថ្មីជាមួយការធ្វើកំណែទម្រង់ថ្មីនៃលីគកំពូលកម្ពុជា ដែលនឹងមានការប្រកួតប្រជែងកាន់តែជក់ចិត្ត និងស្វិតស្វាញនាពេលខាងមុខ៕
អត្ថបទ៖ លី ឈុនឡា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
