ការស្ទាបស្ទង់មតិផ្នែកឯកជនបានបង្ហាញនៅថ្ងៃអង្គារសប្ដាហ៍នេះថា សកម្មភាពសេវាកម្មរបស់ប្រទេសចិនបានពង្រីកក្នុងល្បឿនដ៏លឿនបំផុតរបស់ខ្លួនក្នុងរយៈពេល ១៤ ខែក្នុងខែកក្កដា ដែលជំរុញដោយតម្រូវការកាន់តែខ្លាំង រួមទាំងការកើនឡើងនៃការបញ្ជាទិញនាំចេញថ្មីផងដែរ។  

សន្ទស្សន៍ការទិញ PMI របស់ S&P Global របស់ចិន បានកើនឡើងដល់ ៥២,៦ នៅក្នុងខែកក្កដា ពី ៥០,៦ កាលពីខែមុន ដែលជាល្បឿនលឿនបំផុតចាប់តាំងពីខែឧសភាឆ្នាំមុន។

អំណាននេះផ្ទុយនឹងការស្ទង់មតិផ្លូវការរបស់ប្រទេសចិន ដែលបង្ហាញពីសកម្មភាពសេវាកម្មធ្លាក់ចុះបន្តិចមកត្រឹម៥០,០ ក្នុងខែកក្កដា ពី៥០,១ ក្នុងខែមិថុនា។

សន្ទស្សន៍ការទិញ PMI របស់ S&P Global ត្រូវបានចាត់ទុកថាជាអំណានដ៏ល្អប្រសើរនៃនិន្នាការក្នុងចំណោមក្រុមហ៊ុនតូចៗ ដែលផ្តោតលើការនាំចេញ ជាពិសេសនៅតាមបណ្តោយឆ្នេរភាគខាងកើត ខណៈសន្ទស្សន៍ការទិញ PMI ផ្លូវការតាមដានជាចម្បងលើសហគ្រាសធុនធំ និងមធ្យម រួមទាំងក្រុមហ៊ុនរបស់រដ្ឋផងដែរ។

សេដ្ឋកិច្ចរបស់ប្រទេសចិន ជាមហាអំណាចទីពីររបស់ពិភពលោក មានកម្រិតល្បឿនយឺតជាងការរំពឹងទុកនៅក្នុងត្រីមាសទីពីរ ដែលត្រូវបានជួយជំរុញដោយវិធានការគោលនយោបាយ និងរោងចក្រនានាដែលដាក់សម្ពាធលើការផ្អាកពាណិជ្ជកម្មរវាងសហរដ្ឋអាមេរិក និងចិន ចំពោះការដឹកជញ្ជូន៕