ឥណ្ឌាបានរិះគន់ខ្លាំងលើសហរដ្ឋអាមេរិក និងសហភាពអឺរ៉ុប(EU) ដោយពួកគេនិយាយថា ខ្លួនត្រូវបានជ្រើសរើសជាគោលដៅដោយអយុត្តិធម៌ដោយពួកគេ ជុំវិញការទិញប្រេងរុស្ស៊ី ពេលដែលពួកគេធ្វើពាណិជ្ជកម្មដូចគ្នាជាមួយទីក្រុងម៉ូស្គូ បើទោះបីជាមានសង្រ្គាមនៅអ៊ុយក្រែនក៏ដោយ ។ 

ការរិះគន់របស់ឥណ្ឌា បានកើតមានឡើង បន្ទាប់ពីការគំរាមកំហែងថ្មីដោយប្រធានាធិបតីសហរដ្ឋអាមេរិកលោក Donald Trump កាលពីថ្ងៃចន្ទ ក្នុងការដំឡើងពន្ធលើទំនិញពីប្រទេសឥណ្ឌា ពាក់ព័ន្ធនឹងការទិញប្រេងរុស្ស៊ី ធ្វើឲ្យជម្លោះពាណិជ្ជកម្មកាន់តែជ្រៅរវាងប្រទេសទាំង ២ ។

នៅក្នុងការបង្ហាញការបង្រួបបង្រួមដ៏កម្រមួយ នៅថ្ងៃអង្គារនេះ គណបក្ស Bharatiya Janata របស់លោកនាយករដ្ឋមន្រ្តី Narendra Modi និងគណបក្សប្រឆាំងសភា បានថ្កោលទោសការរិះគន់ម្តងហើយម្តងទៀតរបស់លោក Trump លើទីក្រុងញូវដែល្លី ។

ក្រសួងការបរទេសឥណ្ឌា និយាយនៅក្នុងសេចក្តីថ្លែងការណ៍ដែលបានចេញកាលពីយប់ថ្ងៃចន្ទថា ប្រទេសដែលរិះគន់ឥណ្ឌា ខ្លួនឯងទេបណ្តោយខ្លួនឲ្យធ្វើពាណិជ្ជកម្មជាមួយរុស្ស៊ី ។

ពួកគេបន្តថា វាមិនយុត្តិធម៌ត្រឹមត្រូវនោះទេក្នុងកាជ្រើសរើសឥណ្ឌាជាគោលដៅបែបនេះនោះ ។ EU បានធ្វើពាណិជ្ជកម្មតម្លៃ ៧៨,២ពាន់លានដុល្លារជាមួយរុស្ស៊ី ក្នុងឆ្នាំ ២០២៤ ក្នុងនោះការនាំចូលឧស្ម័នធម្មជាតិរាវ(LNG) ឈានដល់ ១៦,៥លានតោន ៕