សៀមរាប៖ ការងារជួសជុលសង្រ្គោះផ្នែកខាងត្បូង នៃខ្លោងទ្វារខាងកើតប្រាសាទប្រែរូប រងនូវការខូចខាតធ្ងន់ធ្ងរ ដែលចាប់ផ្តើមពីខែកុម្ភៈ ឆ្នាំ២០២១មកនោះ បានបញ្ចប់រួចរាល់១០០ភាគរយហើយ នាដំណាច់ខែធ្នូ ឆ្នាំ២០២១នេះ។

ក្នុងរយៈពេលជិត១ឆ្នាំនៃដំណើរការជួសជុល ក្រុមអ្នកបច្ចេកទេសបានអនុវត្ត នូវការងារសំខាន់ៗ​មួយ​ចំនួនដូចជា ​ពង្រឹងរចនាសម្ពន្ធផ្នែកខាងក្រោម ​ផ្នែកទប់​ជំហរ​ជញ្ជាំង និង​ជួសជុល​ជញ្ជាំង​ដែល​ប្រេះស្រាំ ​និងពុកផុយ ។

បច្ចុប្បន្ន​ក្រុមការងារធ្វើការសម្អាត​ទូទៅ​ក្នុងការដ្ឋាន​ និង​ពិនិត្យ​មើល​បណ្តា​ចំណុច​ពាក់ព័ន្ធ​ដែល​ប្រឈម​នឹង​ហានិភ័យខ្ពស់៕