អនុប្រធានាធិបតីទី១ របស់អ៊ីរ៉ង់លោក Mohammad Reza Aref បាននិយាយនៅក្នុងសម័យប្រជុំពេញអង្គនៃសន្និសីទអង្គការសហប្រជាជាតិលើកទី ៣ ស្តីពីប្រទេសកំពុងអភិវឌ្ឍន៍គ្មានព្រំដែនសមុទ្រថា ការពង្រីកសក្តានុពលឆ្លងកាត់នៃសាធារណៈរដ្ឋឥស្លាម នឹងមានឥទ្ធិពលវិជ្ជមានដល់ការអភិវឌ្ឍពាណិជ្ជកម្មសកល និងក្នុងតំបន់។  

លោកបាននិយាយថា៖«ការអភិវឌ្ឍហេដ្ឋារចនាសម្ព័ន្ធដឹកជញ្ជូននៅក្នុងប្រទេសអ៊ីរ៉ង់ នឹងបង្កើតលក្ខខណ្ឌអំណោយផលសម្រាប់កំណើននៃទំហំពាណិជ្ជកម្មបរទេស អត្រាអភិវឌ្ឍន៍សេដ្ឋកិច្ច ក៏ដូចជាការបន្ធូរបន្ថយការចូលទៅកាន់ទីផ្សារពិភពលោកសម្រាប់ប្រទេសជិតខាងរបស់យើង»។ សុន្ទរកថានេះ ត្រូវបានចាក់ផ្សាយដោយទូរទស្សន៍ SNN។

លោក Aref បាននិយាយថា សាធារណរដ្ឋឥស្លាមមានហេដ្ឋារចនាសម្ព័ន្ធដឹកជញ្ជូន ដែលត្រូវបានអភិវឌ្ឍន៍ ដែលរួមមានផ្លូវដែកប្រវែង ១៥.000គីឡូម៉ែត្រ ផ្លូវហាយវេជាង ២៥០.000គីឡូម៉ែត្រ កំពង់ផែសមុទ្រសំខាន់ៗចំនួន ១៦ ប៉ុស្តិ៍ត្រួតពិនិត្យគយជាង ១៦៧កន្លែង និងអាកាសយានដ្ឋានពាណិជ្ជកម្មចំនួន ៥៤។ លោកបានបញ្ជាក់ថា៖«យើងស្វាគមន៍ចំពោះការសាងសង់មជ្ឈមណ្ឌលភស្តុភារ និងស្ថានីយឆ្លងកាត់នៃប្រទេសជិតខាងនៅក្នុងតំបន់ឆ្នេរភាគខាងត្បូងនៃប្រទេសអ៊ីរ៉ង់»។