យោងតាមសារព័ត៌មានក្នុងស្រុកបានឱ្យដឹងថា បុរសម្នាក់ត្រូវបានចាប់ខ្លួន បន្ទាប់ពីសង្ស័យថាបានដុតអ្នកទេសចរជនជាតិម៉ាឡេស៊ី ២នាក់ នៅកណ្តាលទីក្រុងបាងកក ប្រទេសថៃ កាលពីយប់ថ្ងៃព្រហស្បតិ៍ (៧ សីហា)។

ជនរងគ្រោះជាជនជាតិម៉ាឡេស៊ីពីរនាក់ ដែលត្រូវបានគេស្គាល់ថាឈ្មោះ Ong Yik Leong អាយុ ២៦ឆ្នាំ និងឈ្មោះ Gan Xiao Zhen អាយុ ២៧ឆ្នាំ ត្រូវបានរាយការណ៍ថាកំពុងអង្គុយនៅលើជណ្តើរនៃផ្សារទំនើប Big C ទល់មុខផ្សារទំនើប Central World លើផ្លូវ Ratchadamri នៅពេលបុរសម្នាក់ត្រូវចោទថាបានចាក់សាំងដុតពួកគេពីខាងក្រោយ។

ទីភ្នាក់ងារ​ព័ត៌មាន​ម៉ាឡេស៊ី Bernama បានរាយការណ៍ថា មន្រ្តីម្នាក់​ទទួលបន្ទុក​កិច្ចការ​បណ្តោះអាសន្ន​នៃ​ស្ថានទូត​ម៉ាឡេស៊ី​ប្រចាំ​ប្រទេស​ថៃ ​បាន​ប្រាប់ឲ្យដឹង​​ថា ភ្ញៀវទេសចរ​ទាំងពីរនាក់នោះស្ថិតក្នុង​ស្ថានភាព​ធ្ងន់ធ្ងរ ប៉ុន្តែ​អាការៈនឹងនរមិនធ្ងន់ឡើងនោះទេ៕