ប្រធានាធិបតីអ៊ុយក្រែនលោក Volodymyr Zelensky បាននិយាយនៅក្នុងសុន្ទរកថាពេលល្ងាចរបស់លោកកាលពីថ្ងៃទី ១០ សីហាថាគោលបំណងរបស់រុស្ស៊ីដើម្បី "បោកបញ្ឆោត" សហរដ្ឋអាមេរិកក្នុងការចរចាសន្តិភាពនាពេលខាងមុខ ប៉ុន្តែអ៊ុយក្រែន នឹងមិនអនុញ្ញាតឱ្យយុទ្ធសាស្រ្តនេះទទួលបានជោគជ័យនោះទេ។

ការលើកឡើងរបស់លោក Zelensky ធ្វើឡើងនៅមុនកិច្ចប្រជុំនៅថ្ងៃទី ១៥ ខែសីហា រវាងប្រធានាធិបតីអាមេរិក Donald Trump និងប្រធានាធិបតីរុស្ស៊ី Vladimir Putin។ មេដឹកនាំនឹងជួបប្រជុំគ្នានៅរដ្ឋអាឡាស្កា ទឹកដីសហរដ្ឋអាមេរិក ជាកន្លែងដែលលោកទាំងពីរនឹងពិភាក្សាអំពីសំណើសន្តិភាពរបស់រុស្ស៊ី ដែលត្រូវបានគេរាយការណ៍ថាពាក់ព័ន្ធនឹងទីក្រុងគីវ ប្រគល់ទឹកដីថ្មីទៅឱ្យទីក្រុងមូស្គូ។  

លោក Zelensky បាននិយាយថាអ៊ុយក្រែនកំពុងស្ថិតក្នុង "ការប្រាស្រ័យទាក់ទងគ្នាឥតឈប់ឈរ" ជាមួយដៃគូនៅក្នុងសហរដ្ឋអាមេរិក អំពីរបៀបដើម្បីទទួលបានសន្តិភាព។

លោកថា យើងយល់ពីចេតនារបស់រុស្ស៊ីក្នុងការព្យាយាមបញ្ឆោតអាមេរិក ។ យើងនឹងមិនអនុញ្ញាតឱ្យរឿងនេះកើតឡើងទេ។

មេដឹកនាំអ៊ុយក្រែនរូបនេះ បានសរសើរការប្តេជ្ញាចិត្តរបស់លោក Trump ក្នុងការជួយសង្គ្រោះជីវិត និងបាននិយាយថាមូលហេតុតែមួយគត់ នៃការបន្តសង្រ្គាមនេះ គឺបំណងប្រាថ្នារបស់លោក Putin ក្នុងការដណ្ដើមយកទឹកដី ៕