នាយករដ្ឋមន្រ្តីអូស្រ្តាលីលោក Anthony Albanese បានប្រកាសថា អូស្រ្តាលី នឹងទទួលស្គាល់រដ្ឋប៉ាឡេស្ទីនៅខែកញ្ញាខាងមុខនេះ ក្នុងនោះនូវែលសេឡង់ អាចជាប្រទេសបន្ទាប់ ។

លោក Albanese និយាយនៅថ្ងៃចន្ទនេះថា រដ្ឋាភិបាលរបស់លោកនឹងប្រកាសជាផ្លូវការចំណាត់ការបែបនេះ ពេលដែលមហាសន្និបាតអង្គការសហប្រជាជាតិ(UN) ជួបគ្នានៅបុរីញូវយ៉ក សហរដ្ឋអាមេរិក ។

លោក Albanese និយាយក្នុងសន្និសីទសារព័ត៌មាននៅទីក្រុង Canberra ថា ដំណោះស្រាយរដ្ឋ ២ គឺជាក្តីសង្ឃឹមល្អបំផុតរបស់មនុស្សជាតិ ដើម្បីបំបែកវដ្តនៃអំពើហិង្សានៅតំបន់មជ្ឈិមបូព៌ា និងនាំឲ្យបញ្ចប់ជម្លោះ ការឈឺចាប់ និងភាពអត់ឃ្លានក្នុងតំបន់ហ្កាហ្សា ។

ការប្រកាសរបស់អូស្រ្តាលី បានកើតមានឡើង ស្របពេលកាណាដា បារាំង និងចក្រភពអង់គ្លេស ត្រៀមនឹងទទួលស្គាល់ជាផ្លូវការរដ្ឋប៉ាឡេស្ទីន នៅជំនួបនាខែក្រោយ ដោយចូលរួមជាមួយរដ្ឋសមាជិកជាច្រើនទៀតរបស់ UN ។

វាបានកើតមានឡើងផងដែរ រយៈពេលប្រហែល ១សប្តាហ៍ ក្រោយពលរដ្ឋអូស្រ្តាលីរាប់ម៉ឺននាក់ នាំគ្នាដង្ហែរក្បួនឆ្លងកាត់ស្ពាន Sydney Harbour ដើម្បីតវ៉ាប្រឆាំងសង្រ្គាមអ៊ីស្រាអែលនៅតំបន់ហ្កាហ្សា ។

ថ្លែងនៅថ្ងៃក្រោយបាតុកម្ម រដ្ឋមន្រ្តីការបរទេសអូស្រ្តាលីលោកស្រី Penny Wongនិយាយប្រាប់ទូរ ABCទស្សន៍ថា មាននូវហានិភ័យថានឹងលែងមានជនប៉ាឡេស្ទីនសម្រាប់ការទទួលស្គាល់ទៀត ៕