បុគ្គលិក FSB បាននិយាយថា សេវាសន្តិសុខសហព័ន្ធរុស្ស៊ី (FSB) បានអះអាងថា អាល្លឺម៉ង់បានផ្តល់ហិរញ្ញប្បទានសម្រាប់ការផលិតមីស៊ីល Sapsan រយៈចម្ងាយឆ្ងាយ នៅអ៊ុយក្រែន ដែលនឹងអនុញ្ញាតឲ្យ មានការវាយប្រហារចូលជ្រៅទៅក្នុងទឹកដីរុស្ស៊ី។

លោកបាននិយាយថា៖«ដោយមានការគាំទ្រផ្នែកហិរញ្ញវត្ថុរបស់អាល្លឺម៉ង់ និងជំនួយពីអ្នកឯកទេសបរទេស ការអភិវឌ្ឍនិងផលិតប្រព័ន្ធមីស៊ីលប្រតិបត្តិការ-យុទ្ធសាស្ត្ររយៈចម្ងាយមធ្យម Sapsan ដែលមានសមត្ថភាពវាយប្រហារចូលជ្រៅទៅក្នុងទឹកដីនៃសហព័ន្ធរុស្ស៊ី ត្រូវបានធ្វើឡើង នៅសហគ្រាសការពារជាតិ នៅក្នុងតំបន់ Dnepropetrovsk និង Sumy នៃប្រទេសអ៊ុយក្រែន។

សេវាសន្តិសុខសហព័ន្ធ បានបញ្ជាក់ថា អ៊ុយក្រែនបានបង្កើតកម្មវិធីមីស៊ីលផ្ទាល់ខ្លួនដោយសម្ងាត់ដោយប្រើប្រាស់បច្ចេកវិទ្យា និងគ្រឿងបរិក្ខាដែលស្តុកទុកពីសម័យសហភាពសូវៀត ដោយបន្ថែមថា ដោយសារកិច្ចខិតខំប្រឹងប្រែងរួមគ្នារបស់សេវានេះ និងកងកម្លាំងប្រដាប់អាវុធរុស្ស៊ី ផែនការផលិតមីស៊ីលរបស់អ៊ុយក្រែន ត្រូវបានបំផ្លាញ។