ក្មេងៗប៉ាឡេស្ទីន និងគ្រួសាររបស់ពួកគេមកពីតំបន់ហ្កាហ្សា បានចាកចេញពីអាកាសយានដ្ឋាន Eilat-Ramon របស់អ៊ីស្រាអែល ទៅកាន់ប្រទេសអ៊ីតាលី សម្រាប់ការព្យាបាលវេជ្ចសាស្រ្ត ។

យន្តហោះ C130J ចំនួន ៣គ្រឿងរបស់កងទ័ពអាកាសអ៊ីតាលី បានដឹកក្មេងៗ ៣១នាក់ និងគ្រួសាររបស់ពួកគេ ចេញពីប្រទេសអ៊ីស្រាអែល ទៅកាន់ទីកាន់អាកាសយានដ្ឋាន Linate ស្ថិតក្នុងទីក្រុង Milan អាកាសយានដ្ឋាន Ciampino និងអាកាសយានដ្ឋាន Pisa ស្ថិតនៅទីក្រុង Ciampino ជាទីដែលពួកគេទទួលបានការព្យាបាលពីគ្រូពេទ្យជំនាញ នៅតាមមន្ទីរពេទ្យជាច្រើនកន្លែង ។

លោក Guido Crosetto គឺជារដ្ឋមន្រ្តីក្រសួងការពារជាតិអ៊ីតាលី និយាយថា នៅក្នុងបរិបទដូចជានៅតំបន់ហ្កាហ្សា សាមគ្គីភាពត្រូវបានបង្ហាញតាមរយៈវិធានការរឹងមាំជាជាងពាក្យសម្តី ។

បូករួមទាំងជើងហោះហើរកាលពីថ្ងៃពុធ មកទល់នឹងពេលនេះអ៊ីតាលីបានទទួលយកជនប៉ាឡេស្ទីន ៥៨០នាក់ មកពីតំបន់ហ្កាហ្សា រួមទាំងអ្នកជំងឺ ១៨១នាក់ និងអ្នកអមដំណើរ ៣៩៩នាក់ ៕