​

មន្ត្រីការពារជនស៊ីវិលរប់សប្រទេសអាល់ហ្សេរី បាននិយាយថា ណាស់មនុស្សយ៉ាងហោច១៨នាក់បានស្លាប់និង២៣នាក់បានរងរបួស បន្ទាប់ពីរថយន្តក្រុងមួយគ្រឿងបានធ្លាក់ចូលទៅក្នុងទន្លេ Oued El Harrach កាលពីថ្ងៃសុក្រ ទី១៥ ខែសីហា។

មេបញ្ជាការ លោក Nassim Bernaoui អនុប្រធានផ្នែកស្ថិតិនិងព័ត៌មាននៅអង្គការការពារជនស៊ីវិលអាល់ហ្សេរី បាននិយាយថា «អ្នកស្លាប់មានចំនួន១៨នាក់ បុរស១៤នាក់និងស្ត្រី៤នាក់ និង២៣នាក់បានរងរបួស ខណៈ៣នាក់ស្ថិតក្នុងស្ថានភាពធ្ងន់ធ្ងរ»។ លោកបាននិយាយបន្ថែមថា នគរបាលនៅកំពុងកំណត់អត្តសញ្ញាណសាកសព ហើយសាកសពនឹងត្រូវបានបញ្ជូនទៅកាន់មន្ទីរពេទ្យនានាក្នុងទីក្រុងអាល់ហ្សៀ។

រថយន្តនគរបាល និងរថយន្តគិលានសង្គ្រោះ ជាច្រើនគ្រឿងអាចត្រូវបានគេមើលឃើញនៅច្រាំងទន្លេ និងនៅលើស្ពាន ខណៈប្រតិបត្តិការស្វែងរក និងជួយសង្គ្រោះអ្នកនៅរស់ បានបន្តរហូតដល់ពេលយប់។

ប្រធានាធិបតី លោក Abdelmadjid Tebboune បានសម្តែងការរំលែកទុក្ខដល់ក្រុមគ្រួសារជនរងគ្រោះ និងបានអំពាវនាវឱ្យមានភាពអត់ធ្មត់សម្រាប់សាច់ញាតិ ហើយការសង្គ្រោះត្រូវធ្វើឲ្យបានយ៉ាងឆាប់រហ័សសម្រាប់អ្នករងរបួស។