បន្ទាយមានជ័យ៖ កម្លាំងការិយាល័យប្រឆាំងគ្រឿងញៀន នៃកងរាជអាវុធហត្ថខេត្តបន្ទាយមានជ័យ បានបញ្ជូនជនសង្ស័យប្រុស-ស្រីចំនួន ០៧នាក់ទៅតុលាការ ពាក់ព័ន្ធករណីជួយដូរគ្រឿងញៀន នឹងប្រើប្រាស់សារធាតុញៀនដោយខុសច្បាប់ កាលពីថ្ងៃទី១៦មករានេះ ។

ក្នុងករណីចុះបង្រ្កាបនោះដែរលោកវររសេនីយ៍ត្រី យ៉ាន់ សុវណ្ណ មេបញ្ជាការមូលដ្ឋានកងរាជ​អាវុធ​ហត្ថក្រុងសិរីសោភ័ណ បានឲ្យដឹងថា៖ មុនពេលបង្ក្រាបករណីនេះ￸ នៅថ្ងៃទី១៤ ខែមករា ឆ្នាំ២០២២ លោកបានដឹកនាំកម្លាំងធ្វើការចុះល្បាតការពារសន្តិសុខ ​សណ្ដាប់ធ្នាប់ ក្នុងភូមិសាស្ត្រក្រុងរបស់ខ្លួន រហូតដល់វេលាម៉ោង២០និង០០នាទី ​ ពេលល្បាតដល់ចំណុចសួនមានជ័យ ស្ថិតក្នុងភូមិ៣​សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ស្រាប់តេប្រទះឃើញបុរស០២នាក់ កំពុង​ប្រើប្រាស់​គ្រឿងញៀន កម្លាំង​របស់លោកបានឃាត់ខ្លួនហើយធ្វើការឆែកឆេរ​រកឃើញគ្រឿងញៀន ម៉្សៅក្រាមពណ៌សថ្លាចំនួន០៣កូនថង់កិប និង០៤បំពង់ទុយោកិប ស្មើនឹងទម្ងន់៣,២០ក្រាម នៅក្នុងកាបូបស្ពាយរបស់ឈ្មោះ￸ ហួន ទាសង់ ហៅ មករា ភេទប្រុស អាយុ២១ឆ្នាំ ចំណែកឈ្មោះ￸ ថា សុភាព ភេទប្រុស អាយុ១៣ឆ្នាំ គ្មានវត្ថុតាងអ្វីឡើយ។

លោកវរសេនីយ៍ត្រី បានបញ្ជាក់ថា ក្រោយពីសួរនាំបុរសទាំង០២នាក់រួច មកកម្លាំងចុះធ្វើ​ប្រតិបត្តិការ​បង្រ្កាប​ជា​បន្តបន្ទាប់ឃាត់​បានជនសង្ស័យប្រុស ស្រី ចំនួន០៥នាក់បន្ថែមទៀត ព្រមទាំង​ដក​ហូតវត្ថុងរួមមាន ម៉្សៅក្រាមពណ៌សថ្លា ​ចំនួន០៤កូនថង់កិប ​និង២៦បំពង់ទុយោ ស្មើនឹងទម្ងន់ ៦៣,២៨ក្រាម, ថ្នាំគ្រាប់រាងមូលពណ៌ក្រហមចំនួន០៧គ្រាប់,ម៉ូតូចំនួន០១គ្រឿង និងសម្ភារៈ​មួយ​ចំនួនទៀត ហើយ​បញ្ជូនមក​មូលដ្ឋាន​កងរាជអាវុធហត្ថក្រុង​ ដើម្បីសាកសួរចម្លើយ ។

ជនសង្ស័យទាំង០៧នាក់ ​ក្រោយពីកម្លាំងជំនាញ​សាកសួរចម្លើយរួច ជនសង្ស័យចំនួន ៦នាក់​ពាក់ព័ន្ធ​ករណីជួញដូរ ​និងប្រើប្រាស់គ្រឿងញៀន​ដោយខុសច្បាប់ រីឯម្នាក់ទៀតជាអនីតិជន​ត្រូវបាន​អប់រំ​ហើយឲ្យវិលត្រឡប់ទៅលំនៅដ្ឋានរបស់ខ្លួនវិញ ។

ពាក់ព័ន្ធករណីគ្រឿងញៀននេះដែរ ដោយផ្អែកលើបទល្មើសជាក់ស្ដែង និងមានវត្ថុតាងនឹង​ចម្លើយ​សារភាព​របស់​ជនសង្ស័យទាំង ០៦នាក់ទើបកម្លាំងជំនាញមូលដ្ឋានកងរាជអាវុធហត្ថក្រុង​បាន​កសាងសំណុំរឿងបញ្ជូនមកបញ្ជាការដ្ឋានកងរាជអាវុធហត្ថខេត្ត ដើម្បីចាត់ការបន្ត ។

ក្នុងនោះដែរលោកវរសេនីយ៍ឯក ជា តារា មេបញ្ជាការរងកងរាជអាវុធហត្ថខេត្ត ទទួលការងារប្រឆាំង​គ្រឿង​ញៀន បានឲ្យដឹងថា ​ការបង្ក្រាបករណីខាងលើនេះ￸ លោកបានរាយការណ៍ជូន​លោកឧត្តម​សេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត ​និងមានការសម្របសម្រួលនីតិវិធីពី ឯកឧត្តម កើត វណ្ណារ៉េត ​ព្រះរាជអាជ្ញា ​អមសាលាដំបូងខេត្តផងដែរ។

​បច្ចុប្បន្នជនសង្ស័យ រួមនឹងវត្ថុតាងត្រូវបានកម្លាំង​ការិយាល័យ​ប្រឆាំងគ្រឿងញៀន​បញ្ជូន​ទៅ​សាលាដំបូងខេត្ត ដើម្បីចាត់ការតាមនិតិវិធីច្បាប់ផងដែរ៕ អត្ថបទ៖ ឃិនសារិទ្ធ