មនុស្សយ៉ាងហោចណាស់២៩ នាក់បានរងរបួស បន្ទាប់ពីគ្រោះរញ្ជួយដីកម្រិត៦,០រ៉ិចទ័រ បានវាយប្រហារភាគកណ្តាលកោះ Sulawesi របស់ប្រទេសឥណ្ឌូនេស៊ី ដោយបានបង្ខំឲ្យអ្នកស្រុករត់ចេញពីអគារជាច្រើនយ៉ាងស្លន់ស្លោនៅព្រឹកថ្ងៃអាទិត្យនេះ។

ទីភ្នាក់ងារកាត់បន្ថយគ្រោះមហន្តរាយរបស់ប្រទេសនេះ (BNPB) បាននិយាយថា ការរញ្ជួយដីរាក់ដែលវាយប្រហារក្នុងជម្រៅ ១ គីឡូម៉ែត្រ បានអង្រួនទីក្រុង Poso Regency ហើយត្រូវបានគេមានអារម្មណ៍រញ្ជួយនៅទូទាំងតំបន់ក្បែរៗនោះ។

មនុស្ស២នាក់ បានរងរបួសធ្ងន់កំពុងសម្រាកព្យាបាលនៅមន្ទីរពេទ្យ ។

ព្រះវិហារមួយត្រូវបានគេរាយការណ៍ថាបានរងការខូចខាត ហើយផ្នែកនៃព្រះវិហារមួយទៀត ដែលកំពុងជួសជុលឡើងវិញបានបាក់រលំក្នុងអំឡុងពេលរញ្ជួយដី ដោយបានបណ្ដាលឲ្យមនុស្សជាច្រើនជាប់នៅក្រោមគំនរបាក់បែក៕