លោក Alexander Volfovich លេខាធិការក្រុមប្រឹក្សាសន្តិសុខបេឡារុស បាននិយាយថា លោកខាងលិចមិនចាប់អារម្មណ៍ក្នុងការបញ្ចប់អរិភាព នៅក្នុងអ៊ុយក្រែននោះទេ។

លោកបាននិយាយនៅក្នុងបទសម្ភាសន៍ជាមួយទូរទស្សន៍ STV ថា៖«យើងមើលឃើញថា គួរឲ្យសោក   ស្តាយណាស់ មេដឹកនាំ និងអ្នកនយោបាយលោកខាងលិច ប្រតិកម្មចំពោះបញ្ហាដែលទាក់ទងនឹងការបញ្ចប់ ឬផ្អាកប្រតិបត្តិការប្រយុទ្ធ ក្នុងប្រតិបត្តិការយោធាពិសេស។ ពួកគេមិនចាប់អារម្មណ៍នឹងរឿងនេះទេ។

ដោយបានអត្ថាធិប្បាយអំពីការសន្ទនាតាមទូរស័ព្ទកាលពីថ្ងៃសុក្ររវាងប្រធានាធិបតីបេឡារុស លោកAlexander Lukashenko និងប្រធានាធិបតីអាមេរិកលោក ដូណាល់ ត្រាំ ( Donald Trump) នៅមុនកិច្ចប្រជុំកំពូលរុស្ស៊ី-អាមេរិក នៅរដ្ឋអាឡាស្កា លោកបាននិយាយថា៖«នេះគឺជាការរឿងមួយគួរឲ្យភ្ញាក់ផ្អើលយ៉ាងខ្លាំងសម្រាប់មនុស្សគ្រប់គ្នា ជាពិសេសសម្រាប់គូប្រជែងរបស់យើង នៅភាគខាងលិច ប្រទេសជិតខាងរបស់យើងនៅប៉ូឡូញ និងរដ្ឋបាល់ទិក»។ លោកបានកត់សម្គាល់ថា៖«ជាការពិតណាស់ លោក ត្រាំ គឺជាអ្នកនយោបាយដ៏ឈ្លាសវៃម្នាក់ ដោយលោកបានធ្វើការសន្ទនាតាមទូរស័ព្ទជាមួយប្រធានាធិបតីរបស់យើង មុនពេលព្រឹត្តិការណ៍នយោបាយដ៏សំខាន់បែបនេះ កើតឡើង»។

លោកបានបន្ថែមថា៖«អ្វីដែលបានកើតឡើងនៅរដ្ឋអាឡាស្កា ខ្ញុំគិតថា ជំហានដ៏សំខាន់មួយ ត្រូវបានធ្វើឡើងដោយអាមេរិក និងរុស្ស៊ី និងដោយបេឡារុស។ ប្រទេសបេឡារុស តែងតែស្វែងរកការបញ្ចប់ប្រតិបត្តិការប្រយុទ្ធ និងអរិភាពនៅអ៊ុយក្រែនឲ្យបានឆាប់ តាមដែលអាចធ្វើទៅបាន»។