ស្ថាប័នទំនាក់ទំនងផ្នែករដ្ឋបាលនិងនយោបាយរវាងព្រះមាហាក្សនិងរដ្ឋហ្ស៊កដានី (Royal Hashemite Court) បាននិយាយនៅក្នុងសេចក្តីថ្លែងការណ៍មួយថា ព្រះមហាក្សត្រ Abdullah II កាលពីថ្ងៃចន្ទ បានអំពាវនាវឲ្យមានបទឈប់បាញ់ភ្លាមៗ នៅក្នុងតំបន់ហ្កាហ្សា និងការផ្តល់ជំនួយមនុស្សធម៌ដោយគ្មានការរារាំងក្នុងអំឡុងពេលកិច្ចប្រជុំជាមួយគណៈប្រតិភូសភាអាមេរិកដែលកំពុងបំពេញទស្សនកិច្ច។

ក្នុងអំឡុងពេលនៃកិច្ចប្រជុំនោះ ព្រះមហាក្សត្រ បានរំលឹកឡើងវិញនូវការបដិសេធរបស់ហ្ស៊កដានីចំពោះផែនការរបស់អ៊ីស្រាអែលក្នុងការពង្រឹង «ការគ្រប់គ្រង» របស់ខ្លួននៅតំបន់ហ្កាហ្សា និងពង្រីកការគ្រប់គ្រងយោធានៅទីនោះ ដោយព្រមានថា «វិធានការឯកតោភាគី» បែបនេះ បង្កហានិភ័យដល់ស្ថិរភាពក្នុងតំបន់។

ព្រះអង្គក៏បានច្រានចោលសេចក្តីថ្លែងការណ៍របស់អ៊ីស្រាអែលលើអ្វីដែលហៅថា «អ៊ីស្រាអែលដ៏អស្ចារ្យ» និងថ្កោលទោសការពង្រីកការតាំងទីលំនៅនៅតំបន់វេសបែង(West Bank) ដែលព្រះអង្គ បានថ្លែងថាបំពានច្បាប់អន្តរជាតិ និងធ្វើឲ្យប៉ះពាល់ដល់សិទ្ធិរបស់ប៉ាឡេស្ទីន ក្នុងការបង្កើតរដ្ឋឯករាជ្យមួយ។

កិច្ចពិភាក្សានោះ ក៏បានផ្តោតលើការវិវឌ្ឍក្នុងតំបន់ ដោយព្រះមហាក្សត្រ Abdullah II បានសង្កត់ធ្ងន់លើតម្រូវការគាំទ្រដល់សន្តិសុខ ស្ថិរភាព អធិបតេយ្យភាព និងបូរណភាពទឹកដីរបស់ប្រទេសស៊ីរី។