អ្នកនាំពាក្យក្រសួងការបរទេសអ្នកស្រី Maria Zakharova បាននិយាយថា ប្រទេសរុស្ស៊ីអំពាវនាវដល់អាជ្ញាធរចក្រភពអង់គ្លេស ឲ្យចៀសវាងសកម្មភាពដែលធ្វើឲ្យប៉ះពាល់ដល់កិច្ចខិតខំប្រឹងប្រែងរបស់រុស្ស៊ី និងសហរដ្ឋអាមេរិក ក្នុងការដោះស្រាយជម្លោះអ៊ុយក្រែន។

អ្នកការទូតរូបនេះ បាននិយាយថា៖«នៅក្នុងបរិបទនេះ បំណងប្រាថ្នាពិតប្រាកដដែលបង្ហាញដោយថ្នាក់ដឹកនាំរុស្ស៊ី និងសហរដ្ឋអាមេរិក នៅរដ្ឋអាឡាស្កា សម្រាប់ដំណោះស្រាយយ៉ាងទូលំទូលាយ យុត្តិធម៌ និងនិរន្តរភាពនៃជម្លោះជុំវិញអ៊ុយក្រែន រួមទាំងការលុបបំបាត់មូលហេតុដើមចមរបស់វា សេចក្តីថ្លែងការណ៍នៅតែបន្តហូរចេញពីទីក្រុងឡុងដ៍ ដែលមិនត្រឹមតែប៉ះទង្គិចជាមួយកិច្ចខិតខំប្រឹងប្រែងរបស់ទីក្រុងមូស្គូ និងទីក្រុងវ៉ាស៊ីនតោនប៉ុណ្ណោះទេ ប៉ុន្តែថែមទាំងមានគោលបំណងយ៉ាងច្បាស់ផងដែរ ក្នុងការធ្វើឲ្យខូចដល់កិច្ចប្រឹងប្រែងទាំងនោះ ដោយបានលើកឡើងអំពីសេចក្តីថ្លែងការណ៍របស់ទីក្រុងដ៍ជុំវិញការដាក់ពង្រាយកងកម្លាំងយោធាលោកខាងលិចនៅក្នុងអ៊ុយក្រែន ប្រសិនបើកិច្ចព្រមព្រៀងឈប់បាញ់ ត្រូវបានឈានដល់នោះ ។

អ្នកស្រី Zakharova បានបន្ថែមថា៖«ក្នុងន័យនេះ យើងសូមអំពាវនាវឲ្យទីក្រុងឡុងដ៍ បោះបង់ចោលផែនការភូមិសាស្រ្តនយោបាយដែលខ្វះការពិចារណានិងបង្កហានិភ័យនេះ ហើយយ៉ាងហោចណាស់ក៏កុំជ្រៀតជ្រែកក្នុងការងារដ៏លំបាករបស់អ្នកចរចារុស្ស៊ី និងសហរដ្ឋអាមេរិកផងដែរ»។