នៅថ្ងៃអង្គារនេះ លោក Bill Gates ដែលជាសហស្ថាបនិកបង្កើតមូលនិធិ Gates Foundation និងជាសប្បុរសជនមួយរូប និយាយថា លោកសង្ឃឹមថា នវានុវត្តន៍នៅជប៉ុននឹងអាចជួយធ្វើឲ្យល្អប្រសើរឡើងសុខភាពអាហ្វ្រិក ក្រោយជំនួបជាមួយនាយករដ្ឋមន្រ្តីជប៉ុនលោក Shigeru Ishiba ។

ថ្លែងទៅកាន់ក្រុមអ្នកសារព័ត៌មានក្រោយជំនួបជាមួយលោក Ishiba លោក Gates និយាយថា លោកមានក្តីសោមនស្សរីករាយជាពន់ពេក ពេលឮថា កិច្ចប្រជុំកម្រិតខ្ពស់ធ្វើឲ្យល្អប្រសើរឡើងសុខភាពអាហ្វ្រិក នឹងរៀបចំឡើងនៅក្នុងប្រទេសជប៉ុន ។

នៅបន្ទប់ទទួលភ្ញៀវនៃការិយាល័យរបស់លោក Ishiba ស្ថិតក្នុងទីក្រុងតូក្យូលោក Gates និយាយថា ពួកយើងបានជជែកគ្នាពីការងារដែលពួកយើងបានធ្វើជាមួយគ្នា ហើយសកម្មភាពសុខភាពសកលដ៏សំខាន់ជាមួយអង្គការ Gavi ជាមួយមូលនិធិសកល Global Fund និងជាមួយនវានុវត្តន៍កើតឡើងនៅជប៉ុន នឹងបង្កើតផលិតផលថ្មីដែលជួយពួកយើងធ្វើឲ្យល្អប្រសើរឡើងសុខភាពអាហ្វ្រិក ។

សូមបញ្ជាក់ថា ជប៉ុននឹងរៀបចំកិច្ចប្រជុំអន្តរជាតិក្រុងតូក្យូស្តីពីការអភិវឌ្ឍន៍អាហ្វ្រិកនៅទីក្រុង Yokohama ចាប់ពីថ្ងៃពុធ ទី ២០ ខែសីហា រហូតដល់ថ្ងៃសុក្រទី ២២ ខែសីហា គឺជាវេទិកាមួយដែលក្រុមមេដឹកនាំមកពីបណ្តាប្រទេសអាហ្វ្រិកជាង ២០ នឹងចូលរួម ៕