រុស្ស៊ី បាននិយាយកាលពីថ្ងៃពុធសប្ដាហ៍នេះថា ការប៉ុនប៉ងដោះស្រាយបញ្ហាសន្តិសុខទាក់ទងនឹងអ៊ុយក្រែនដោយគ្មានការចូលរួមពីទីក្រុងមូស្គូ គឺជាផ្លូវគ្មានគោលដៅ ហើយការងារការទូតជាច្រើនត្រូវបានធ្វើមុនពេលលោក Vladimir Putin និង Volodymyr Zelenskyy នៅក្នុងបន្ទប់តែមួយ។  

រដ្ឋមន្ត្រីការបរទេសរុស្ស៊ី លោក Sergei Lavrov ជាពិសេសបានរិះគន់តួនាទីរបស់ក្រុមមេដឹកនាំអឺរ៉ុប ដែលបានជួបជាមួយប្រធានាធិបតីអាមេរិក លោក Donald Trump និងលោក Zelenskyy នៅសេតវិមានកាលពីថ្ងៃចន្ទដើមសប្ដាហ៍នេះ ដើម្បីពិភាក្សាអំពីការធានាសន្តិសុខសម្រាប់អ៊ុយក្រែន ដែលអាចជួយបញ្ចប់សង្គ្រាមមានរយៈពេល៣ ឆ្នាំកន្លះ។  

លោក Lavrov បានប្រាប់សន្និសីទសារព័ត៌មានថា លោកប្រាកដថានៅលោកខាងលិច និងសំខាន់ជាងនេះទៅទៀតនៅសហរដ្ឋអាមេរិក ពួកគេយល់យ៉ាងច្បាស់បំផុតថា ការពិភាក្សាយ៉ាងម៉ត់ចត់អំពីបញ្ហាសន្តិសុខដោយគ្មានសហព័ន្ធរុស្ស៊ី គឺជាផ្លូវគ្មានគោលដៅ។  

លោក Lavrov បានចោទប្រកាន់ក្រុមមេដឹកនាំអឺរ៉ុបដែលបានជួបលោក Trump និងលោក Zelenskyy ថាបានអនុវត្ត ការកើនឡើងយ៉ាងគឃ្លើននៃស្ថានការណ៍នេះ ជាភាពឆ្គាំឆ្គង ហើយជាទូទៅ ជាការប៉ុនប៉ងគ្មានសីលធម៌ក្នុងការផ្លាស់ប្តូរជំហររបស់រដ្ឋបាលលោក Trump និងប្រធានាធិបតីសហរដ្ឋអាមេរិកផ្ទាល់។យើងមិនបានឮគំនិតបែបស្ថាបនាណាមួយចេញពីមាត់ជនជាតិអឺរ៉ុបនៅទីនោះទេ៕