សម្ព័ន្ធសេរីភាពសារព័ត៌មាន ដែលលើកកម្ពស់សេរីភាពសារព័ត៌មានទូទាំងពិភពលោក កាលីថ្ងៃព្រហស្បតិ៍

បានអំពាវនាវឲ្យអ៊ីស្រាអែលអនុញ្ញាតឲ្យអង្គការព័ត៌មានបរទេសឯករាជ្យ ចូលទៅកាន់ទឹកដីហ្កាហ្សារបស់ប៉ាឡេស្ទីនដែលត្រូវបានឡោមព័ទ្ធ។

សេចក្តីថ្លែងការណ៍រួម ដែលចុះហត្ថលេខាដោយសមាជិកនៃសម្ព័ន្ធមកពីប្រទេសចំនួន ២៧ រួមមានចក្រភពអង់គ្លេស បារាំង និងអាល្លឺម៉ង់ បានបញ្ជាក់ថា អ្នកសារព័ត៌មាន និងបុគ្គលិកប្រព័ន្ធផ្សព្វផ្សាយ ដើរតួនាទីយ៉ាងសំខាន់ ក្នុងការដាក់ការយកចិត្តទុកដាក់លើការពិតនៃសង្គ្រាមដ៏បំផ្លិចបំផ្លាញ»។

សេចក្តីថ្លែងការណ៍នោះ ក៏បានថ្កោលទោសចំពោះអំពើហិង្សាដែលសំដៅទៅលើអ្នកសារព័ត៌មាន និងបុគ្គលិកប្រព័ន្ធផ្សព្វផ្សាយ ហើយបានអំពាវនាវដល់អាជ្ញាធរអ៊ីស្រាអែល និងភាគីផ្សេងទៀតទាំងអស់ «ឲ្យ ខិតខំប្រឹងប្រែង ដើម្បីធានាថា បុគ្គលិកសារព័ត៌មាននៅក្នុងតំបន់ជម្លោះ អាចធ្វើការងាររបស់ពួកគេ ដោយសេរី និងសុវត្ថិភាព»។

សេចក្តីថ្លែងការណ៍ បានលើកឡើងថា៖«ការកំណត់គោលដៅដោយចេតនាលើអ្នកសារព័ត៌មាន គឺមិនអាចទទួលយកបានទេ។ ច្បាប់មនុស្សធម៌អន្តរជាតិផ្តល់ការការពារដល់អ្នកសារព័ត៌មានស៊ីវិល ក្នុងអំឡុងពេលមានជម្លោះប្រដាប់អាវុធ» ដោយបន្ថែមថា រាល់ការវាយប្រហារប្រឆាំងនឹងបុគ្គលិកប្រព័ន្ធផ្សព្វផ្សាយ ត្រូវតែស៊ើបអង្កេត ហើយអ្នកដែលទទួលខុសត្រូវ ត្រូវបាននាំយកមកកាត់ទោស។