ប្រធានាធិបតីនៃសាធារណរដ្ឋអារ៉ាប់សម្រាប់រយៈពេលអន្តរកាលលោក Ahmed al-Sharaa បាននិយាយថា គណៈប្រតិភូនៃប្រទេសស៊ីរី និងអ៊ីស្រាអែល បានធ្វើឲ្យមានការរីកចម្រើន ក្នុងអំឡុងពេលការចរចាអំពី កិច្ចព្រមព្រៀងសន្តិសុខ។

លោក al-Sharaa បានប្រាប់ក្រុមអ្នកយកព័ត៌មាន នៅពេលត្រូវដកស្រង់សម្តីដោយទូរទស្សន៍ស៊ីរីថា៖  «យើងបានធ្វើឲ្យមានរវឌ្ឍភាពឈានទៅរកកិច្ចព្រមព្រៀងទ្វេភាគី។ «កិច្ចព្រមព្រៀងដែលកំពុងត្រូវបានពិភាក្សា នឹងផ្អែកលើការវិលត្រឡប់ទៅរកខ្សែបន្ទាត់នៃការបែងចែករវាងកងកម្លាំងអ៊ីស្រាអែល និងស៊ីរីនៅតំបន់ Golan Heights ដែលបានបង្កើតឡើង ក្នុងឆ្នាំ ១៩៧៤»។

លោកក៏បានកត់សម្គាល់ផងដែរអំពីសារៈសំខាន់នៃសមាហរណកម្មសេដ្ឋកិច្ចរវាងបណ្តាប្រទេស នៅមជ្ឈិមបូព៌ា ដោយសង្កត់ធ្ងន់ថា៖«លោកនឹងមិនស្ទាក់ស្ទើរក្នុងការសម្រេចចិត្តណាមួយ ឬអនុម័តកិច្ចព្រមព្រៀងដែលឆ្លើយតបនឹងផលប្រយោជន៍របស់ប្រទេសស៊ីរី និងតំបន់ទេ»។

កាលពីថ្ងៃទី ២០ ខែសីហា រដ្ឋមន្ត្រីការបរទេសស៊ីរី និងជនអន្តោប្រវេសន៍លោក Asaad al-Sheibani បានជួបពិភាក្សា នៅទីក្រុងប៉ារីស ជាមួយរដ្ឋមន្ត្រីក្រសួងផែនការយុទ្ធសាស្ត្រអ៊ីស្រាអែល លោក Ron Dermer ដោយសារមានកិច្ចខិតខំប្រឹងប្រែងសម្របសម្រួលរបស់សហរដ្ឋអាមេរិក។ ពួកគេបានពិភាក្សាអំពីវិធានការរួមគ្នា ដើម្បីកាត់បន្ថយភាពតានតឹង នៅក្នុងខេត្ត Suwayda និងពង្រឹងស្ថិរភាព នៅភាគខាងត្បូងប្រទេសស៊ីរី។ ពួកគេបានសង្កត់ធ្ងន់លើតម្រូវការក្នុងការបង្កើតយន្តការច្បាស់លាស់មួយសម្រាប់ការបន្តកិច្ចព្រមព្រៀងឆ្នាំ ១៩៧៤ ស្តីពីការដកកងកម្លាំងអ៊ីស្រាអែល និងស៊ីរី ចេញពីតំបន់ខ្ពង់រាប Golan Heights។