អធិការបតីអាល្លឺម៉ង់លោក Friedrich Merz និយាយនៅថ្ងៃអង្គារនេះថា សម្ពាធបន្ថែមទៀតត្រូវការ បើសិនជាប្រធានាធិបតីរុស្ស៊ីលោក Vladimir Putin បដិសេធន៍ជំនួបជាមួយប្រធានាធិបតីអ៊ុយក្រែនលោក Volodymyr Zelenskiy ។

អំឡុងសន្និសីទសារព័ត៌មានរួមគ្នាជាមួយនាយករដ្ឋមន្រ្តីកាណាដាលោក Mark Carney នៅទីក្រុងប៊ែរឡាំង លោក Merz និយាយថា សហភាពអឺរ៉ុបកំពុងធ្វើការលើទណ្ឌកម្មបន្ថែមទៀត ក្នុងករណីបែបនេះ ។

លោកថា លោកប្រធានាធិបតី Zelenskyបានបញ្ជាក់យ៉ាងច្បាស់លាស់នៅទីក្រុងវ៉ាស៊ីនតោនកាលពីសប្តាហ៍មុនថា លោកត្រៀមខ្លួនរួចរាល់ក្នុងការអង្គុយចុះនិយាយគ្នាជាមួយលោក Putin ក្នុងរយៈពេលប៉ុន្មានថ្ងៃទៀត ។ ឥឡូវវាអាស្រ័យលើទីក្រុងម៉ូស្គូមួយគត់ ។ បើសិនជាលោកប្រធានាធិបតីរុស្ស៊ី គិតគូរខ្លាំងពីការបញ្ចប់ការកាប់សម្លាប់ ដល់ពេលនោះលោកនឹងព្រមទទួលយកការផ្តល់ជូនហើយ ។

លោក Merz បាននិយាយផងដែរថា អឺរ៉ុប និងសហរដ្ឋអាមេរិក កំពុងធ្វើការជាមួយអ៊ុយក្រែនលើការបង្កើតលទ្ធភាពនៃការធានាសន្តិសុខ ហើយរាល់ការធានាសន្តិសុខណាមួយ ត្រូវតែជំរុញឲ្យអ៊ុយក្រែនការពារប្រទេសរបស់ខ្លួនក្នុងរយៈពេលយូរ ។

លោកបានបញ្ជាក់ថា អាល្លឺម៉ង់ នឹងមិនចូលរួមគំនិតផ្តួចផ្តើមរបស់សម្ព័ន្ធមិត្តលោកខាងលិច ក្នុងការទទួលស្គាល់រដ្ឋប៉ាឡេស្ទីននៅមហាសន្និបាតអង្គការសហប្រជាជាតិនៅខែក្រោយនោះឡើយ ៕