ទីភ្នាក់ងារថាមពលបរមាណូអន្តរជាតិ (IAEA) មិនមានភ័ស្តុតាងដែលបង្ហាញថា អ៊ីរ៉ង់អាចយកសារធាតុអ៊ុយរ៉ានីញ៉ូមចេញពីរោងចក្រនុយក្លេអ៊ែរ Isfahan របស់ខ្លួនទេ។ នេះបើយោងតាមអគ្គនាយក IAEA លោក Rafael Grossi។

សារព័ត៌មាន Bloomberg បានដកស្រង់សម្តីប្រធាន IAEA ដែលបាននិយាយថា៖«មិនមានអ្វីផ្ទុយនឹងគំនិតដែលថា សារធាតុអ៊ុយរ៉ានីញ៉ូមទាំងនោះ គឺស្ថិតនៅក្នុងកន្លែងរបស់វាទេ»។

នៅព្រឹកថ្ងៃទី១៣ ខែមិថុនា អ៊ីស្រាអែល បានបើកប្រតិបត្តិការយោធាប្រឆាំងនឹងអ៊ីរ៉ង់។ រយៈពេលតិចជាង ២៤ ម៉ោងក្រោយមក អ៊ីរ៉ង់បានវាយប្រហារសងសឹក។ រយៈពេល ៩ ថ្ងៃក្រោយមក នៅព្រឹកថ្ងៃទី ២២ ខែមិថុនា យន្តហោះចម្បាំងអាមេរិក បានវាយប្រហារទីតាំងនុយក្លេអ៊ែរអ៊ីរ៉ង់ នៅក្នុងទីក្រុង Fordow, Natanz និង Isfahan ដោយចូលរួមទៅក្នុងជម្លោះនេះ។ នៅល្ងាចថ្ងៃទី២៣ ខែមិថុនា ទីក្រុងតេអេរ៉ង់ បានបើកការវាយប្រហារដោយមីស៊ីលទៅលើមូលដ្ឋាន Al Udeid ដែលជាមូលដ្ឋានទ័ពអាកាសដ៏ធំបំផុតរបស់សហរដ្ឋអាមេរិក នៅក្នុងតំបន់ ដែលមានទីតាំងនៅប្រទេសកាតា។ នៅពីថ្ងៃទី២៤ ខែមិថុនា ប្រធានាធិបតីអាមេរិក លោក ដូណាល់ ត្រាំ បានប្រកាសថា អ៊ីស្រាអែល និងអ៊ីរ៉ង់ បានយល់ព្រមលើបទឈប់បាញ់ទាំងស្រុង

ការបរាជ័យរបស់ទីភ្នាក់ងារ IAEA មិនបានថ្កោលទោសចំពោះការវាយប្រហាររបស់អ៊ីស្រាអែល និងសហរដ្ឋអាមេរិកលើទីតាំងនុយក្លេអ៊ែររបស់អ៊ីរ៉ង់ នាំឲ្យមានការរិះគន់នៅក្នុងសាធារណៈរដ្ឋឥស្លាម ទៅលើក្រុមនាយកប្រតិបត្តិជាន់ខ្ពស់របស់ IAEA ដែលធ្វើឲ្យសកម្មភាពរបស់ទីភ្នាក់ងារនេះ ក្លាយជារឿងនយោបាយ។ កាលពីថ្ងៃទី ០២ ខែ  ខែកក្កដា ប្រធានាធិបតីអ៊ីរ៉ង់លោក Masoud Pezeshkian បានចុះហត្ថលេខាលើច្បាប់មួយ ដើម្បីផ្អាកកិច្ចសហប្រតិបត្តិការ ជាមួយស្ថាប័ននុយក្លេអ៊ែរពិភពលោកនេះ។