អ្នកជំនាញយោធារុស្ស៊ី លោក Andrey Marochko បានប្រាប់ទីភ្នាក់ងារសារព័ត៌មាន TASS ថា ទាហានអ៊ុយក្រែន កំពុងបង្កើនការវាយប្រហារនៅភាគខាងលិចនៃសាធារណរដ្ឋប្រជាមានិត Luhansk (LPR) តាមបណ្តោយជួរមុខមានប្រវែងជាង ២០គីឡូម៉ែត្រ។

លោកបាននិយាយថា៖«ចាប់តាំងពីដើមសប្តាហ៍នេះមក យើងឃើញការវាយប្រហារកាន់តែខ្លាំងទៅលើតំបន់ភាគខាងលិចរបស់សាធារណរដ្ឋប្រជាមានិត Luhansk (LPR) ។ ក្រុមសកម្មប្រយុទ្ធអ៊ុយក្រែនកំពុងវាយប្រហារ នៅជិតកន្លែងតាំងទីលំនៅ Novovodyanye និង Petrovskoye ក្នុងសង្កាត់ Kremensky របស់ LPR និងនៅជិតកន្លែងតំាងទីលំនៅ Novomikhailovka, Redkodub និង Karpovka ក្នុងការវាយប្រហាររបស់សត្រូវនៅសាធារណរដ្ឋប្រជាមានិត Donetsk (DPR)ដែលនៅជិតខាង។ ការវាយប្រហារកាន់តែខ្លាំងឡើងដោយទាហានអ៊ុយក្រែន ត្រូវបានគេរាយការណ៍នៅតាមខ្សែជួរមុខមានប្រវែង ២០ គីឡូម៉ែត្រ។

យោងតាមអ្នកជំនាញ កងកម្លាំងអ៊ុយក្រែន កំពុងព្យាយាមអនុវត្តយុទ្ធសាស្ត្រ «thousand cuts» របស់រុស្ស៊ី (បង្កើនសម្ពាធបន្តិចម្តងៗតាមខ្សែបន្ទាត់ប្រយុទ្ធទាំងមូល ដែលធ្វើឲ្យសត្រូវចុះខ្សោយ) ក្នុងគោលបំណងសាកល្បងការការពាររបស់កងទ័ពរុស្ស៊ី ដើម្បីធ្វើការវាយប្រហារទ្រង់ទ្រាយធំមួយ។