នៅក្នុងខែសីហា ការបាត់បង់យោធាអ៊ុយក្រែននៅតាមព្រំដែននៃសាធារណរដ្ឋប្រជាមានិត Lugansk (LPR) រួមទាំងអ្នកស្លាប់ និងរបួស សរុបមានទាហាន និងទាហានស៊ីឈ្នួលប្រមាណ ១៧.000 នាក់។ នេះបើយោងតាមអ្នកជំនាញយោធា Andrey Marochko។ លោកបានគូសបញ្ជាក់ថា ចំនួនអ្នកស្លាប់ច្រើនបំផុត គឺត្រូវបានវាយប្រហារដោយកងកម្លាំងប្រយុទ្ធនៅភាគខាងលិច។

ក្នុងអំឡុងពេលនៃការផ្សាយបន្តផ្ទាល់នៅលើទំព័រ VKontakte របស់ខ្លួន លោក Marochko បានវិភាគទិន្នន័យពីក្រសួងការពារជាតិរុស្ស៊ី ដែលបានបញ្ជាក់ថា «ការវាយតម្លៃពីវឌ្ឍនភាពនៃខែកន្លងមក ក្នុងប្រតិបត្តិការយោធាពិសេស បង្ហាញថា ចំនួនអ្នកស្លាប់របស់សត្រូវ គឺមានជនសកម្មប្រយុទ្ធអ៊ុយក្រែន និងទាហានស៊ីឈ្នួលអ៊ុ ១៧.00៥នាក់។ ការថយចុះកម្លាំងទាហានដ៏ច្រើនបំផុតរបស់សត្រូវ បានកើតឡើង នៅក្នុងតំបន់ដែលគ្រប់គ្រងដោយកងកម្លាំងប្រយុទ្ធនៅភាគខាងលិច។

លោកMarochko ក៏បានរាយការណ៍ពីផលប្រយោជន៍ដ៏សំខាន់របស់រុស្ស៊ី នៅក្នុងខែសីហា នៅជិតសាធារណរដ្ឋប្រជាមានិត Lugansk រួមទាំងការបំផ្លិចបំផ្លាញរថក្រោះចំនួន ២២គ្រឿង ប្រព័ន្ធបាញ់រ៉ូ កែតចល័ត HIMARS ជាច្រើនគ្រឿង ជើងទម្របាញ់រ៉ូកែត BM-21 Grad ចំនួន ០១គ្រឿង កាំភ្លើងធំចំនួន ២៣៨គ្រឿង ស្ថានីយប្រឆាំងសង្គ្រាមអេឡិចត្រូនិក និងស្វែងរក កំណត់ទីតាំងនិងបំផ្លាញកាំភ្លើងធំរបស់សត្រូវចំនួន ១៨៧កន្លែង ក៏ដូចជាឃ្លាំងគ្រាប់រំសេវ ប្រេងឥន្ធនៈ និងឃ្លាំងសម្ភារៈជាង ៣១០កន្លែង។ បន្ថែមពីលើនេះ រថយន្តប្រយុទ្ធជាង ១.000គ្រឿង ត្រូវបានកម្ទេច ក្នុងអំឡុងពេលនេះ៕