ក្រុមបាតុករប្រឆាំងរដ្ឋាភិបាល បានប៉ះទង្គិចជាមួយនគរបាលបង្ក្រាបកុបកម្មនៅក្នុងប្រទេសស៊ែប៊ីកាលពីយប់ថ្ងៃសុក្រ ទី៥ ខែកញ្ញា បន្ទាប់ពីមនុស្សរាប់ពាន់នាក់ បានចូលរួមក្នុងបាតុកម្មដើម្បីទាមទារការបោះឆ្នោត។ នគរបាលបានប្រើប្រាស់ឧស្ម័នបង្ហៀរទឹកភ្នែក និងគ្រាប់បែកដៃដើម្បីបំបែកក្រុមអ្នកតវ៉ានៅជុំវិញបរិវេណសាកលវិទ្យាល័យក្នុងទីក្រុង។ 

ការតវ៉ានេះ គឺជាការតវ៉ាចុងក្រោយបំផុតនៃការអូសបន្លាយពេល១០ខែនៃបាតុកម្មប្រឆាំងរដ្ឋាភិបាល។ មនុស្សរាប់ពាន់នាក់បានមកប្រមូលផ្តុំគ្នានៅក្នុងទីក្រុង Novi Sad ជាទីក្រុងដែលមានមនុស្ស១៦ នាក់បានស្លាប់កាលពីខែវិច្ឆិកា ឆ្នាំ២០២៤ នៅពេលដែលដំបូលស្ថានីយ៍រថភ្លើងបានបាក់រលំ។ ក្រុមអ្នកតវ៉ាបានបន្ទោសលើអំពើពុករលួយចំពោះគ្រោះមហន្តរាយនេះ ហើយកំពុងទាមទារឱ្យមានការបោះឆ្នោតមុនកាលកំណត់ ដោយសង្ឃឹមថានឹងបណ្តេញប្រធានាធិបតី លោក Aleksandar Vucic ចេញពីតំណែងនិងគណបក្ស SNS របស់លោក។ 

មនុស្សរាប់ពាន់នាក់បានមកប្រមូលផ្តុំគ្នានៅកណ្តាលទីក្រុងដោយស្ងៀមស្ងាត់ ដោយមានកាន់ពិលទូរស័ព្ទដៃរបស់ពួកគេដើម្បីរំលឹកដល់ជនរងគ្រោះនៃមហន្តរាយបាក់ដំបូលនៅស្ថានីយ៍រថភ្លើង។