ភ្នំពេញ៖ ការបំពុលខ្យល់កំពុងក្លាយជាបញ្ហាប្រឈមផ្នែកបរិស្ថាននៅក្នុងតំបន់ និងពិភពលោក ដែលផលប៉ះពា ល់ពីការបំពុលខ្យល់នេះមានលក្ខណៈធំធេង។ នេះបើតាមសេចក្តីប្រកាសព័ត៌មានរបស់ក្រសួងបរិ ស្ថាន ស្តីពីផែនការខ្យល់ស្អាតកម្ពុជា ក្នុងសន្និសីទសារព័ត៌មាននៅថ្ងៃទី២៥ ខែមករា ឆ្នាំ២០២២។
ប្រភពដដែលបន្តថា ដោយសារតែសារធាតុបំពុលខ្យល់អាចសាយភាយបានឆ្ងាយ បង្កឱ្យមានការបំពុ លឆ្លងដែន រួមផ្សំនឹងឥទ្ធិពលពីកត្តាអាកាសធាតុ និងភូមិសាស្ត្រ បានធ្វើឱ្យការបំពុលខ្យល់ក្លាយជាប ញ្ហាប្រឈមចំពោះសុខភាព ដែលទាមទារឱ្យគ្រប់ប្រទេសទាំងអស់មានការយកចិត្តទុកដាក់ខ្ពស់លើបញ្ហាបំពុលខ្យល់ ប្រភពនៃការបំពុលខ្យល់មានការកើនឡើងជាលំដាប់ ក្នុងនោះមានដូចជា មធ្យោបា យធ្វើដំណើរ, ការប្រើប្រាស់ថាមពលក្នុងដំណើរការផលិតកម្ម សេវាកម្ម និងលំនៅស្ថាន និងការអភិវ ឌ្ឍហេដ្ឋារចនាសម្ព័ន្ធ និងសំណង់ជាដើម ដែលកត្តាទាំងអស់នេះបណ្តាលឱ្យមានកំណើននៃការបញ្ចេ ញឧស្ម័នបំពុលបរិយាកាស។
ជាវិធានការនៃការកាត់បន្ថយការបំពុលខ្យល់ ក្រសួងបរិស្ថានបានផ្តួចផ្តើមរៀបចំផែនការខ្យល់ស្អាតក ម្ពុជា ដោយមានកិច្ចសហការផ្តល់បច្ចេកទេស និងហរិញ្ញវត្ថុពីកម្មវិធីភាពជាដៃគូ ស្តីពីខ្យល់ស្អាតអាស៊ីប៉ាស៊ីហ្វិក(Asia Pacific Clean Air Partnership) នៃកម្មវិធីបរិស្ថានសហប្រជាជាតិ(United Nations Environment Programme) និងវិទ្យាស្ថានបរិស្ថានស្តុកខូម នៃប្រទេសស៊ុយអ៊ែត (Stockholm Environment Institute)។ ផែនការខ្យល់ស្អាតកម្ពុជា ជាឯកសារយុទ្ធសាស្រ្តជាតិសំដៅកំណត់សកម្ម ភាពកាត់បន្ថយការបញ្ចេញឧស្ម័នបំពុលខ្យល់នៅកម្ពុជា។
ប្រភពដដែលបន្ថែមថា នាយកដ្ឋានគ្រប់គ្រងគុណភាពខ្យល់ សំឡេង និងរំញ័រ នៃក្រសួងបរិស្ថាន ក៏បា នរៀបចំដំឡើងឧបករណ៍ និងស្ថានីយ ចាប់ពីឆ្នាំ២០១៧ ដល់បច្ចុប្បន្នបានចំនួនសរុប ៥១ទីតាំងផង ដែរ ក្នុងនោះរាជធានីភ្នំពេញមានចំនួន ១៤ ទីតាំង និងនៅតាមបណ្ដាខេត្តមានចំនួន ៣៧ ទីតាំង៕ដោយ៖ គង់ ឌិន