នៅព្រឹកថ្ងៃទី១៥ ខែកញ្ញា ឆ្នាំ២០២៥នេះ មុននឹងដឹកនាំប្រតិភូទៅបំពេញទស្សនកិច្ចនៅសាធារណរដ្ឋប្រជាមានិតចិន សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា បានឆ្លៀត ទស្សនាអាកាសយានដ្ឋានអន្តរជាតិតេជោ ដែលបានចាប់ផ្តើមដំណើរការបម្រើសេវាកម្មហោះហើរជូនភ្ញៀវជាតិ អន្តរជាតិកាលពីថ្ងៃទី៩ ខែកញ្ញា ឆ្នាំ២០២៥។

ក្នុងឱកាសនោះ សម្ដេចបានចូលរួមអបអរសាទរចំពោះសមិទ្ធផលថ្មីមួយក្នុងចំណោមសមិទ្ធផលជាច្រើនទៀត ដែលអាកាសយានដ្ឋាននេះ នឹងរួមចំណែកសំខាន់ក្នុងការបម្រើដល់សេចក្តីត្រូវការ កំណើននៃការធ្វើដំណើរ តភ្ជាប់ទំនាក់ទំនងយ៉ាងសកម្មរបស់អ្នកដំណើរ ពិសេសការតម្រង់គោលដៅមកកាន់កម្ពុជា។