កាលពីថ្ងៃព្រហស្បតិ៍ ទី១៨ ខែកញ្ញាថា សហរដ្ឋអាមេរិកនិងអ៊ីស្រាអែល បានផ្ញើលិខិតតវ៉ាទៅកាន់មន្ត្រីជាន់ខ្ពស់របស់អង្គការសហប្រជាជាតិ ដោយចោទសួរពីភាពមិនលំអៀងរបស់បុគ្គលិកអង្គការនេះជុំវិញសង្គ្រាមនៅតំបន់ហ្កាហ្សា ខណៈបុគ្គលិកអង្គការសហប្រជាជាតិរាប់រយនាក់ បានតវ៉ានៅខាងក្រៅទីស្នាក់ការ របស់ស្ថាប័ននេះនៅសហភាពអឺរ៉ុប។ បុគ្គលិកកាន់បដាមានអំណានថា «សន្តិភាពសម្រាប់តំបន់ហ្កាហ្សា» និងពាក្យថា «ពុំមែនជាគោលដៅ»។

ពួកគេបានដាក់ផ្កាកុលាបសជាង៣៧០ទងនៅក្បែរផ្ទាំងរំលឹកក្នុងទីក្រុងហ្សឺណែវ ដើម្បីតំណាងឲ្យបុគ្គលិកជំនួយរបស់អង្គការសហប្រជាជាតិម្នាក់ៗដែលត្រូវបានសម្លាប់ក្នុងសង្រ្គាមជិតពីរឆ្នាំមកនេះ។ លោក Nathalie Meynet ប្រធានក្រុមប្រឹក្សាបុគ្គលិកនៃទីភ្នាក់ងារជនភៀសខ្លួនរបស់អង្គការសហប្រជាជាតិបាននិយាយថា «ថ្ងៃនេះ បុគ្គលិកអង្គការសហប្រជាជាតិកំពុងរួមគ្នាដើម្បីនិយាយថា គ្រប់គ្រាន់ហើយ ដែលត្រូវនិយាយថាយើងមិនអាចសម្លាប់សហការីរបស់យើងនៅហ្កាហ្សាដោយនិទណ្ឌភាពបែបនេះទេ និងនិយាយថា បញ្ឈប់អំពើឃាតកម្មទាំងអស់»។

លិខិតទាំងនេះ បានបង្ហាញពីភាពតានតឹងកើនឡើងរវាងអង្គការសហប្រជាជាតិ និងអ្នកផ្តល់មូលនិធិធំបំផុតរបស់ខ្លួន គឺសហរដ្ឋអាមេរិក ដែលបានដកខ្លួនចេញពីក្រុមប្រឹក្សាសិទ្ធិមនុស្សអង្គការសហប្រជាជាតិរួចហើយ ជុំវិញអ្វីដែលទីក្រុងវ៉ាស៊ីនតោន ចាត់ទុកថាថាជំហរប្រឆាំងអ៊ីស្រាអែល។ ការរំលឹកស្របគ្នានៅទីស្នាក់ការអង្គការសហប្រជាជាតិក្នុងទីក្រុងញូវយ៉ក ត្រូវបានបដិសេធក្នុងការអនុញ្ញាតមិនឱ្យដំណើរការដោយអ្នកគ្រប់គ្រង នេះបើយោងតាមសារដែលមើលឃើញដោយសារព័ត៌មាន Reuters។ ឯកអគ្គរដ្ឋទូតអ៊ីស្រាអែលប្រចាំអង្គការសហប្រជាជាតិនៅទីក្រុងហ្សឺណែវ លោក Daniel Meron បានថ្កោលទោសការតវ៉ានៅទីក្រុងហ្សឺណែវនៅក្នុងលិខិតមួយទៅកាន់លោក Tatiana Valovaya នាយកនៃការិយាល័យអង្គការសហប្រជាជាតិនៅទីក្រុងហ្សឺណែវ។ លិខិតនោះនិយាយថា «បុគ្គលិករបស់អង្គការសហប្រជាជាតិពុំមែនជាសកម្មជន ឬតួអង្គនយោបាយទេ។ អ្នកទាំងឡាយដែលញុះញង់ និងចូលរួមក្នុងសកម្មភាពដែលត្រូវបានចោទប្រកាន់ផ្នែកនយោបាយ គួរតែប្រឈមមុខនឹងវិធានការវិន័យ រួមទាំងការព្យួរការងារផងដែរ»។