រដ្ឋអាជ្ញាបាននិយាយថា បុរសម្នាក់ត្រូវបានបាញ់សម្លាប់ និងមនុស្សជាច្រើននាក់ទៀតបានរងរបួស នៅពេលខ្មាន់កាំភ្លើងម្នាក់បានបើកការបាញ់ប្រហារនៅឯក្លឹបកម្សាន្តរាត្រីមួយកន្លែងនៅរដ្ឋ New Hampshire សហរដ្ឋអាមេរិក កាលពីយប់ថ្ងៃសៅរ៍។

ចំនួនអ្នករបួសក្នុងការវាយប្រហារនៅក្លឹប Sky Meadow Country Club មិនទាន់ច្បាស់នៅឡើយទេ។ ស្នងការនគរបាល Nashua បាននិយាយថា មនុស្សម្នាក់ដែលគេជឿថាជាអ្នកបាញ់ប្រហារត្រូវបានចាប់ខ្លួន។ 

នគរបាលនៅក្បែរក្រុង Tyngsborough រដ្ឋ Massachusetts បាននិយាយក្នុងសេចក្តីថ្លែងការណ៍មួយថា ការបាញ់ប្រហារត្រូវបានប្រកាសថាជា ឧបទ្ទវហេតុសម្លាប់រង្គាល។ 

រដ្ឋអាជ្ញារដ្ឋ New Hampshire លោក John Formella បាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃសៅរ៍ថា តាមការស៊ើបអង្កេត បុរសពេញវ័យម្នាក់បានចូលទៅក្នុងក្លឹប ហើយបានបាញ់រះជាច្រើនគ្រាប់ ។ បុរសពេញវ័យម្នាក់ត្រូវបានបាញ់សម្លាប់ ហើយមនុស្សជាច្រើននាក់ផ្សេងទៀតបានរងរបួស។ 

រដ្ឋអាជ្ញាបាននិយាយថា មិនមានការគំរាមកំហែងដល់សាធារណជនឡើយ បន្ទាប់ពីការវាយប្រហារនេះ៕