អ្នកនាំពាក្យសេតវិមានលោកស្រី Karoline Leavitt បាននិយាយក្នុងបទសម្ភាសន៍ជាមួយបណ្តាញទូរទស្សន៍ Fox Newsថា អ្នកជាប់ពន្ធអាមេរិកកំពុងទទួលបានអត្ថប្រយោជន៍ពីការដឹកជញ្ជូនសព្វាវុធថ្មីទៅឲ្យប្រទេសអ៊ុយក្រែន ដោយសារអាវុធទាំងអស់ មិនត្រូវបានបរិច្ចាគទៀតទេ ប៉ុន្តែត្រូវបានបង់ថ្លៃដោយប្រទេសសមាជិកនៃអង្គការណាតូ។

លោកស្រី បាននិយាយថា៖«ប្រធានាធិបតីសហរដ្ឋអាមេរិកលោក ដូណាល់ ត្រាំ បាននិយាយថា យើងនឹងបន្តលក់អាវុធទៅឲ្យអង្គការណាតូ ហើយអង្គការនេះ និងអ៊ុយក្រែនអាចជ្រើសរើសពីរបៀបប្រើប្រាស់អាវុធទាំងនោះ»។

ប៉ុន្តែវិធីដែលការរៀបចំសព្វាវុធនេះ បានធ្វើឡើង ក្រោមការដឹកនាំរបស់លោកប្រធានាធិបតី ត្រាំ គឺត្រូវគិតផលប្រយោជន៍របស់អាមេរិកជាមុន ពីព្រោះយើងកំពុងលក់អាវុធទាំងនេះទៅឲ្យអ៊ុយក្រែន និងទៅអង្គការណាតូ ហើយណាតូក៏បញ្ជូនត្រឡប់មកវិញនូវសព្វាវុធទាំងនោះ ទៅអ៊ុយក្រែន ដូច្នេះអ្នកជាប់ពន្ធអាមេរិក កំពុងទទួលបានអត្ថប្រយោជន៍ពីបញ្ជូនអាវុធនេះ។

នាពេលថ្មីៗនេះ លោក ត្រាំ បានបញ្ជាក់ថា សហរដ្ឋអាមេរិក នឹងបន្តការផ្គត់ផ្គង់អាវុធរបស់ខ្លួន ដល់បណ្តាប្រទេសណាតូ៕