អ្នកនាំពាក្យក្រសួងសាធារណៈការ និងដឹកជញ្ជូនឯកឧត្តម ផន រឹម បានឲ្យដឹងថា ភ្លៀងធ្លាក់ជាប់ៗគ្នាប៉ុន្មានថ្ងៃមកនេះ ផ្លូវខេត្តលេខ 376Fសណ្តូកខ្លួនតាមមាត់ទន្លេ ស្ថិតនៅក្រុងស្ទឹងត្រែង ខេត្តស្ទឹងត្រែង ឆ្ពោះទៅកាន់តំបន់វារីអគ្គិសនី បានជនលិចមួយចំនួនដូចជា១-ចំណុច Pk4+700-5+000 ប្រវែង 300ម៉ែត្រ,២-ចន្លោះ Pk14-15 ប្រវែង 150ម៉ែត្រ ,៣-ចន្លោះ Pk14-15 ប្រវែង 130ម៉ែត្រ,៤-ចន្លោះ Pk16-17 ប្រវែង 100ម៉ែត្រ, និងទី៥-ចន្លោះ Pk18-19 ប្រវែង 270ម៉ែត្រ។

 ឯកឧត្តមបានឲ្យដឹងទៀតថា នៅចំពោះមុខ មន្ទីរសាធារណការ និងដឹងជញ្ជូនខេត្តស្ទឹងត្រែង បានហាមឃាត់ចំពោះរថយន្តធុនធ្ងន់គ្រប់ប្រភេទឆ្លងកាត់ ដើម្បីការពារតួផ្លូវ និងស្ពាន ដោយអនុញ្ញាតិឱ្យតែយានយន្តធុនស្រាលឆ្លងកាត់ប៉ុណ្ណោះ ព្រមទាំងភ្ជាប់ជាមួយសារដាស់តឿនឱ្យមានប្រយុប្រយ័ត្នជានិច្ច៕