មន្ទីរពេទ្យដ៏សំខាន់មួយក្នុងទីក្រុងហ្កាហ្សា ដែលលផ្តល់ទាំងការថែទាំវេជ្ជសាស្រ្ត ទាំងកន្លែងជ្រកកោន ស្ថិតនៅក្រោមសម្ពាធយ៉ាងធ្ងន់ធ្ងរ ខណៈកងកម្លាំងអ៊ីស្រាអែលបង្កើនការវាយសម្រុកទៅមុខ ហើយការផ្គត់ផ្គង់ប្រេងឥន្ធនៈនៅសល់កាន់តែតិច។ 

មន្ទីរពេទ្យ Al-Shifa ដែលជាកន្លែងព្យាបាលដ៏ធំបំផុតនៅហ្កាហ្សា ដើរតួនាទីជាទីតាំងគាំពារជីវិតសម្រាប់អ្នករស់នៅដែលស្វែងរកទាំងការថែទាំសុខភាព និងសុវត្ថិភាព ស្របពេលមានការវាយលុករបស់អ៊ីស្រាអែលកាន់តែខ្លាំង។  

ជាអកុសល ការរស់រានមានជីវិតរបស់មន្ទីរពេទ្យកាន់តែមានភាពមិនច្បាស់លាស់ ដោយរថក្រោះរបស់អ៊ីស្រាអែលបានរំកិលទៅកាន់តែជិត ហើយការផ្គត់ផ្គង់ប្រេងឥន្ធនៈមានកម្រិតទាបខ្លាំង។ 



កងកម្លាំងអ៊ីស្រាអែលកំពុងវាយលុកចូលក្នុងបេះដូងនៃទីក្រុងហ្កាហ្សា ដោយដាក់រថក្រោះនៅជិតមន្ទីរពេទ្យ Al-Shifa។ ការរុលទៅមុខរបស់ពួកគេ បានបិទផ្លូវសម្រាប់រថយន្តសង្គ្រោះ និងអ្នកស្រុកដែលត្រូវការការថែទាំសុខភាពជាបន្ទាន់។

ទោះបីជាមានការទម្លាក់គ្រាប់បែកជាបន្តបន្ទាប់ និងការផ្គត់ផ្គង់ធ្លាក់ចុះក៏ដោយ ក៏បុគ្គលិកពេទ្យរបស់មន្ទីរពេទ្យនេះ កំពុងធ្វើការដោយមិននឿយហត់ ដើម្បីព្យាបាលអ្នករបួសជាបន្តបន្ទាប់៕