បន្ទាប់ពីប្រហែលមួយទស្សវត្សរ៍មក អ៊ីរ៉ង់បានក្លាយជាគោលដៅនៃការដាក់ទណ្ឌកម្មរបស់អង្គការសហប្រជាជាតិម្តងទៀត ខណៈលោកខាងលិចដាក់សម្ពាធលើទីក្រុងតេអេរ៉ង់ ទោះមានការប្រឆាំងពីរុស្ស៊ី និងចិនក៏ដោយ។

ទណ្ឌកម្មត្រូវបានដាក់ឡើងវិញដោយស្វ័យប្រវត្តិនៅពាក់កណ្តាលអធ្រាត្រម៉ោងសកលកាលពីថ្ងៃអាទិត្យ បន្ទាប់ពីប្រទេសហត្ថលេខីអឺរ៉ុបនៃកិច្ចព្រមព្រៀងនុយក្លេអ៊ែរឆ្នាំ ២០១៥ របស់អ៊ីរ៉ង់បានវិលត្រឡប់ទៅរកយន្តការដើមវិញភ្លាមៗនៃកិច្ចព្រមព្រៀងសំខាន់ដើម្បីធ្វើឱ្យទណ្ឌកម្មទាំងនោះសកម្មឡើងវិញ។

ទណ្ឌកម្មទាំងនោះរួមមានការហាមប្រាមដឹកជញ្ជូនអាវុធ ការបង្កកទ្រព្យសម្បត្តិ និងការហាមប្រាមការធ្វើដំណើរ និងទណ្ឌកម្មនុយក្លេអ៊ែរ មីស៊ីល និងធនាគារ ដែលត្រូវបានគេរំពឹងថានឹងប៉ះពាល់ដល់គ្រប់វិស័យនៃសេដ្ឋកិច្ចអ៊ីរ៉ង់ដែលកំពុងតែរងទុក្ខស្រាប់ ដោយមនុស្សភាគច្រើនជាង ៩០លាននាក់ត្រូវជួបការលំបាកខ្លាំង ក្នុងរយៈពេលប៉ុន្មានខែខាងមុខនេះ។

ប្រជាជនអ៊ីរ៉ង់មួយចំនួនមានការព្រួយបារម្ភថា អ៊ីស្រាអែលនឹងប្រើទណ្ឌកម្មជាលេសដើម្បីវាយប្រហារម្តងទៀត ខណៈខ្លួនបានប្រើសេចក្ដីសម្រេចដែលចេញដោយអង្គការឃ្លាំមើលនុយក្លេអ៊ែរសកលកាលពីខែមិថុនា ជាលេសសម្រាប់សង្រ្គាមដែលត្រូវបានអបអរសាទរដោយក្រុមមន្ត្រីអ៊ីស្រាអែល និងសម្ព័ន្ធមិត្តរបស់ខ្លួន។

កាលពីថ្ងៃអាទិត្យ ប្រតិកម្មទីផ្សារបានបង្ហាញពីការព្រួយបារម្ភផ្នែកសេដ្ឋកិច្ចជុំវិញភាពឯកោរបស់អ៊ីរ៉ង់ដែលកំពុងកើនឡើងដោយសារការដាក់ទណ្ឌកម្ម៕