នាយកដ្ឋានបង្ការ និងកាត់បន្ថយគ្រោះមហន្តរាយ (DDPM) កំពុងពន្លឿនកិច្ចខិតខំប្រឹងប្រែងជួយ សង្គ្រោះ ក្នុងខេត្តចំនួន ១៧ ដែលនៅតែជន់លិចដោយព្យុះ Bualoi ខណៈមានការព្រមានថា ភ្លៀងធ្លាក់ខ្លាំង នឹងបន្តកើតមាន រហូតដល់ថ្ងៃអង្គារ (៣០ កញ្ញា)។

នាយកដ្ឋាននេះ បានបញ្ជាក់ថា ខ្លួនកំពុងតាមដានយ៉ាងដិតដល់នូវស្ថានភាពទឹកជំនន់ ដោយបានជំរុញឲ្យ ខេត្តដែលរងផលប៉ះពាល់ទាំងអស់ ផ្តល់ជំនួយពេញលេញដល់ប្រជាពលរដ្ឋ។

គិតត្រឹមម៉ោង ៦ ព្រឹកថ្ងៃចន្ទ ទឹកជំនន់ នៅតែមាននៅក្នុងខេត្តចំនួន ១៧ ដែលប៉ះពាល់ដល់មនុស្សចំនួន ២៦៩.៥១ នាក់ នៃគ្រួសារចំនួន ៨២.២២២ ដោយមានអ្នកស្លាប់ចំនួន ៧នាក់។

យោងតាមនាយកដ្ឋានឧតុនិយមថៃ (TMD) គិតត្រឹមម៉ោង ១០ ព្រឹក ព្យុះ Bualoi បានបោកបក់កាត់ ខេត្ត Bolikhamsai ក្នុងប្រទេសឡាវ ដោយធ្វើដំណើរចូលទៅភាគខាងជើងប្រទេសមីយ៉ាន់ម៉ា មុនពេលកម្លាំងរបស់វា ថយចុះបន្តិចម្ដងៗ។

ទោះជាយ៉ាងនេះក្តី ភ្លៀងធ្លាក់កាន់តែខ្លាំង គឺចាប់ពីថ្ងៃទី២៩ ដល់ថ្ងៃទី៣០ ខែកញ្ញា ពិសេសនៅតំបន់វាលទំនាបក្បែរផ្លូវទឹក តំបន់ទំនាប និងតំបន់លិចទឹករួចហើយ ដែលគ្របដណ្តប់លើភាគខាងជើង ឦសាន កណ្តាល និងខាងត្បូង៕