ប្រធានគណៈកម្មការអឺរ៉ុប លោកស្រី Ursula von der Leyen បាននិយាយនៅថ្ងៃអង្គារនេះថា លោកស្រី បានស្វាគមន៍ចំពោះសំណើសន្តិភាពរបស់លោកប្រធានាធិបតីអាមេរិកលោក ដូណាល់ ត្រាំ (Donald Trump ) ដើម្បីបញ្ចប់សង្រ្គាមជិតពីរឆ្នាំ នៅតំបន់ហ្កាហ្សា។

លោកស្រី បានសរសេរនៅលើបណ្តាញសង្គម Xថា៖«សូមស្វាគមន៍ការប្តេជ្ញាចិត្តរបស់លោកប្រធានាធិបតី ដូណាល់ ត្រាំ ក្នុងការបញ្ចប់សង្រ្គាមនៅហ្កាហ្សា និងលើកទឹកចិត្តគ្រប់ភាគីទាំងអស់ឲ្យចាប់យកឱកាសនេះ។ សហភាពអឺរ៉ុប ត្រៀមខ្លួនរួចជាស្រេចក្នុងការរួមចំណែកក្នុងកិច្ចការនេះ»។

លោកស្រី បានបន្ថែមថា៖«អរិភាព គួរតែបញ្ចប់ ដោយការផ្ដល់ជំនួយមនុស្សធម៌ជាបន្ទាន់ ដល់ប្រជាជននៅតំបន់ហ្កាហ្សា ហើយជាមួយនឹងចំណាប់ថ្នូរទាំងអស់ ត្រូវបានដោះលែងភ្លាមៗ»៕