ប្រភពពីក្រុមនេះ បាននិយាយនៅថ្ងៃអង្គារថា ក្រុមហាម៉ាស បានចាប់ផ្តើមពិគ្រោះយោបល់ និងពិភាក្សាជាមួយក្រុមប៉ាឡេស្ទីនផ្សេងទៀត ដើម្បីសិក្សាផែនការ ដែលស្នើឡើងដោយប្រធានាធិបតីអាមេរិក លោក ដូណាល់ ត្រាំ ដើម្បីបញ្ចប់សង្គ្រាមនៅតំបន់ហ្កាហ្សាស្ទ្រីប។

ប្រភពដែលនិយាយក្នុងលក្ខខណ្ឌមិនបញ្ចេញឈ្មោះ បានប្រាប់សារព័ត៌មានស៊ីនហួថា អ្នកសម្រុះសម្រួលមកពីកាតា និងអេហ្ស៊ីប បានពិនិត្យផែនការនេះ មុនពេលបង្ហាញវាដល់ថ្នាក់ដឹកនាំក្រុមហាម៉ាស និងក្រុម ផ្សេងទៀត។

លោកបាននិយាយថា ការពិគ្រោះយោបល់ អាចត្រូវការពេលវេលា ដោយសារឯកសារដែលបានដាក់ស្នើត្រូវបានសន្មត់ថា បង្កើតជាមូលដ្ឋាននៃកិច្ចព្រមព្រៀងដែលមានសក្តានុពល ទោះបីជាមានការផ្ទុយគ្នានៅក្នុងសេចក្តីថ្លែងការណ៍ថ្មីៗរបស់លោក Trump និងអ្វីដែលលោក បានពិពណ៌នាថា ជា «ការផ្លាស់ប្តូរប្រចាំថ្ងៃ»នៅក្នុងជំហរនានា។

តាមប្រភពដដែល ក្រុមហាម៉ាស បើកចំហចំពោះសំណើទាំងអស់ ដរាបណាពួកគេមិនធ្វើឲ្យខូចខាត   «គោលការណ៍ជាតិប៉ាឡេស្ទីន»៕