សារព័ត៌មាន Kazinform បានរាយការណ៍កាលពីថ្ងៃព្រហស្បតិ៍ (២ តុលា) ដោយលើកពីរបាយការណ៍របស់អង្គការនៃប្រទេសនាំចេញប្រេង (OPEC) ថា តម្រូវការសកលសម្រាប់ធនធានថាមពលចម្បងនៃប្រេង ត្រូវបានព្យាករថា នឹងកើនឡើង ២៣% ពីតួលេខ ៣០៨លានបារ៉ែល នៃប្រេងក្នុងមួយថ្ងៃ ទៅដល់ដល់ចំនួន ៣៧៨លានបារ៉ែល នៅឆ្នាំ២០៥០។

ដោយបង្ហាញរបាយការណ៍ចក្ខុវិស័យលើទីផ្សារប្រេងពិភពលោករបស់អង្គការ OPEC ក្នុងព្រត្តិការណ៍សប្តាហ៍ថាមពលកាហ្សាក់ស្ថានឆ្នាំ២០២៥ និងវេទិកា KAZENERGY អាស៊ីអឺរ៉ុបលើកទី១៦ នៅរដ្ឋធានីប្រទេសកាហ្សាក់ស្ថាន — លោក Behrooz Baikalizadeh ប្រធាននាយកដ្ឋានសិក្សាប្រេងរបស់អង្គការ OPEC បាននិយាយថា តម្រូវការកើនឡើង នឹងត្រូវជំរុញដោយកំណើនប្រជាជនពិភពលោកដែលរំពឹងទុកពី ៨,២ពាន់លាននាក់ ដល់ ៩,៧ពាន់លាននាក់។

លោកបាននិយាយថា "នៅឆ្នាំ២០៥០ ប្រជាជនជាង ១,២ពាន់លាននាក់ នឹងរស់នៅក្នុងតំបន់ទីក្រុង ដូចនេះ កំណើនការចំណាយក៏នឹងបង្កើនល្បឿនសេដ្ឋកិច្ចរបស់អង្គការសម្រាប់កិច្ចសហប្រតិបត្តិការសេដ្ឋកិច្ច និងប្រទេសអភិវឌ្ឍ OECD ផងដែរ"។

យោងតាមរបាយការណ៍នោះ ចក្ខុវិស័យថាមពលកកើតឡើងវិញត្រូវព្យាករថានឹងមាន ១៣,៥% នៃល្បាយថាមពលសកលឆ្នាំ២០៥០ ខណៈដែលធ្យូងថ្ម និងប្រភពផ្សេងទៀតនឹងធ្លាក់ចុះ ១៣%។ នៅពេលដែលការប្រើប្រាស់ធ្យូងថ្មត្រូវបញ្ឈប់ជាបណ្តើរៗ ការផលិតធ្យូងថ្មក៏ត្រូវរំពឹងថានឹងធ្លាក់ចុះផងដែរ ដោយលើកសមាមាត្រនៃថាមពលជំនួស ពីអត្រា ២៤% ទៅដល់ ៦៥,៥%៕