កំពង់ឆ្នាំង ៖ កិច្ចប្រជុំក្រុមប្រឹក្សាខេត្តលើកទី១៦ អាណត្តិទី៤ ត្រូវបានប្រារព្វធ្វើឡើងកាលពីថ្ងៃទី២ ខែតុលា ឆ្នាំ២០២៥ ដែលមានការចូលរួមពីឯកឧត្តម ស៊ីវ រុន ប្រធានក្រុមប្រឹក្សាខេត្ត និងលោក អម សុភា អភិបាល រងខេត្តកំពង់ឆ្នាំង ព្រមទាំងមានការអញ្ជើញចូលរួមពីសំណាក់ ឯកឧត្តម លោកជំទាវ អភិបាលរងខេត្ត និង សមាជិកក្រុមប្រឹក្សាខេត្ត និងមានការចូលរួមពីសំណាក់លោក លោកស្រី ជាប្រធាន អនុប្រធានមន្ទីអង្គ ភាពជុំវិញខេត្ត និង អាជ្ញាធរមូលដ្ឋានក្រុង ស្រុក ផងដែរ។

លោក អម សុភា អភិបាលរងខេត្តកំពង់ឆ្នាំង បានបញ្ជាក់ថា កិច្ចប្រជុំក្រុមប្រឹក្សាខេត្ត គឺធ្វើឡើង ដើម្បីអនុម័តទៅលើរបាយការណ៍សមិទ្ធិផលនានាដែលជាសកម្មភាពរបស់រដ្ឋបាលខេត្ត បានបំពេញនាខែ កន្លងមកនេះ និងធ្វើសេចក្តីព្រៀងលើគម្រោងអភិវឌ្ឍន៍នានា និងសេចក្តីណែនាំ ស្តីពីដំណើរការកសាងកម្ម វិធីវិនិយោគបីឆ្នាំរំកិលរបស់ខេត្ត ដើម្បីសមភាពនិងកំណើនសេដ្ឋកិច្ចខេត្តកាន់តែមានភាពប្រសើរ។

លោក អម សុភា អភិបាលរងខេត្តកំពង់ឆ្នាំង បានបញ្ជាក់ទៀតថា ក្នុងរយៈពេលកន្លងមកនេះ ថ្នាក់ ដឹកនាំមន្ទីរអង្គភាពជុំវិញខេត្ត បានធ្វើឱ្យខេត្តកំពង់ឆ្នាំង មានការអភិវឌ្ឍជាបន្តបន្ទាប់ បានធ្វើឱ្យខេត្តកំពង់ ឆ្នាំង ក្លាយជាខេត្តគោលដៅរបស់អ្នកវិនិយោគ និងអ្នកទេសចរ ក្នុងការមកបណ្តាក់ទុន និងមកលេង កម្សាន្ត កត្តាដែលជំរុញឱ្យអ្នកវិនិយោគ និងអ្នកទេសចរយកខេត្តកំពង់ឆ្នាំងជាខេត្តគោលដៅនេះ គឺស្ថាន ភាពសេដ្ឋកិច្ច សង្គមកិច្ចបានល្អ ពិសេសគឺមានសន្តិសុខសុវត្ថិភាពមានភាពល្អប្រសើរ។ អាជ្ញាធរខេត្ត បាន ដាក់កម្លាំងចម្រុះចុះបង្រ្កាបបទល្មើសនេសាទ។

ឯកឧត្តម ស៊ីវ រុន ប្រធានក្រុមប្រឹក្សាខេត្ត បានសម្តែងនូវការវាយតម្លៃខ្ពស់ ចំពោះលទ្ធផលសកម្ម ភាពការងារ ដែលរដ្ឋបាលខេត្តបានអនុវត្តការងារនាពេលកន្លងមកនេះ ដែលមានភាពប្រសើរ ប្រជាពលរដ្ឋ រស់នៅដោយមានសន្តិសុខ សុវត្ថិភាព មានជីវភាពល្អប្រសើរ។

ឯកឧត្តមប្រធានក្រុមប្រឹក្សាខេត្ត បានជំរុញដល់មន្ទីរអង្គភាពជំនាញ និងអាជ្ញាធរមូលដ្ឋាន ទាំង អស់ ត្រូវបន្តយកចិត្តទុកដាក់ក្នុងការបង្កើនការអភិវឌ្ឍខេត្តឱ្យកាន់តែប្រសើរឡើងថែមទៀត ទាក់ទាញបាន នូវភ្ញៀវជាតិ និងអន្តរជាតិចូលលេងកម្សាន្ត និងបណ្តាក់ទុនវិនិយោគ ។

ឯកឧត្តមស្នើដល់អាជ្ញាធរខេត្ត អាជ្ញាធរក្រុងស្រុក បន្តយកចិត្តទុកដាក់តាមដាន អំពីបញ្ហាប្រឈម និងសំណូមពររបស់ប្រជាពលរដ្ឋនៅមូលដ្ឋាន ដើម្បីស្វែងរកដំណោះស្រាយឲ្យបានទាន់ពេលវេលា។ ពិសេសស្ថានភាពការងារបង្ករបង្កើនផលស្រូវ របស់ប្រជាកសិករ ដែលយើងត្រូវធ្វើឱ្យបានទាន់ពេលវេលា និងការរៀបចំផែនការបន្តផ្សព្វផ្សាយដល់ពលករដែលបានត្រឡប់ពីខាងក្រៅ ដើម្បីជួយស្វែងរកការងារជូន ដល់ពលករដើម្បីកំណើនសេដ្ឋកិច្ចនិងជីវភាពប្រចាំថ្ងៃកាន់តែល្អប្រសើរ៕

អត្ថបទ៖ កាំង ហុងវាស្នា